Marek Krawc rozprawja wo aktualnje rozjimanych temach w Čěskej

Praha. Praske wyše sudnistwo je by­wšeho čěskeho wojaka wurubjenja by­dlenjow w Ukrainje dla, na wosom lět ­jastwa zasudźiło. Muž bě so 2022 ­w Ukrainje dobrowólnikam přizamknył a hromadźe z nimi přećiwo ruskim agresoram wojował. Při tym pak bě wšelake bydlenja w nadběhowanych kónčinach wurubował. Sudnicy maja jeho njeskutki za socialnje škódliwe. W swojim roz­sudźe zdźělichu, zo je zasudźeny wo­jowanja znjewužiwał a so na njedobro potrjechenych wobohaćował. Rubjene předmjety bě za wójnsku dobytwu ­wudał.