Pólska zjawnosć je so w zašłych dnjach z tójšto skandalemi zaběrała

Waršawa (dpa/SN). Pólske tajne słužby su po informacijach knježerstwa planowanej sabotaži zastaranja z wodu wulkeho pólskeho města zadźěwali. Sabotaža by zawinowała, zo „njeby w jednym z wjetšich městow wody było“, rjekny zastupowacy nawoda knježerstwa Krzysztof Gawkowski onlinowemu portalej Onet. „W poslednim wokomiku je so nam poradźiło tajne słužby informować, a wone su potom wšitko wotšaltowali, jako so pospyt sabotaže započa.“ Po wuprajenjach Gawkowskeho běchu złóstnicy tole srjedu tydźenja spytali. Wo kotre wjetše město so jedna, Gawkowski njerjekny.