Pólska diskutuje wo rozbuchnjenju płunowoda Nord Stream lěta 2022

Waršawa. Dwě wulkej nowinskej stronje wěnuje Gazeta Wyborcza w swojim wudaću předwčerawšim, srjedu, temje, kotraž so w rozprawnistwje němskich medijow njejewi: Najwyše Waršawske sudnistwo je před tydźenjomaj Ukrainjana z jatby pušćiło, kotrehož bě pólska policija 25. septembra zajała. Wolodymyra Žurawlowa běchu z mjezynarodnym ­wukazom zajeća pytali. Němska jemu wumjetuje, zo je hłowny zamołwity za rozbuchnjenje płunowoda Nord Stream w septembru 2022, poł lěta po spočatku wójny Ruskeje přećiwo Ukrainje.