Widźał, słyšał, napisał (18.02.19)
Awtor dźensa
Michał Nuk
Kak rjane bě zymske wjedro před dobrym tydźenjom, jako so hišće na běžkach po lojpach w Jizerskich, Rudnych abo samo Łužiskich horach wucychnowachmy. Telko sněha běchmy w zašłych lětach zrědka měli. Załomske lojpy běchu, dołhož bě zyma dosć, wuběrnje preparowane, runje tak kaž skakanišćo a pista. Tak hodźeše so lětsa zaso raz tradicionalny Alfreda Lebeltowy cup we wšelakich zymskich sportowych družinach z něhdźe 150 sportowcami z našeho regiona přewjesć. Z wubědźowanjom SC Załom najebać klimowu změnu dale zymski wukonowy sport pola nas spěchuje, tak zo snadź tón abo tamna Łužičan/ka raz mjezynarodnje na so skedźbni.
Wuslědki (18.02.19)
Kopańca, wokrjesna wyša liga
Rakecy – Radwor2:1 (1:0)
Kulow – Bukecy4:0 (1:0)
Połčnica – Němske Pazlicy 2:1 (2:1)
Wojerecy – Ramnow1:3 (1:1)
Germ. Budyšin – Hnaš.-Dobruša 2:3 (1:1)
Hory – Kumwałd4:1 (3:1)
Porchow – Kinspork/Łužnica 0:0 (0:0)
Großnaundorf – Ralbicy/Hórki0:3 (0:0)
Sport (15.02.19)
Sokoł Budyšin pyta dorost
Wolejbulowy cyłk Sokoła Budyšin, kotryž hraje we wokrjesnej klasy, stafla wuchod, by so rady ze serbskimi hrajerkami a serbskimi hrajerjemi zesylnił. Tydźensce póndźelu wot 19.30 do 21 hodź. trenuja sportowcy w Budyšinje. Na treningu wobdźěleja so hrajerjo w starobje 26 do 65 lět.
Hišće raz domjaca lěpšina
Po wuspěšnymaj hromaj tydźenja doma w swójskej hali přećiwo ST Horken Ketlicam (9:7) a SZ Wětnicy/Holi (8:8) hraja Worklečanscy blidotenisća hišće raz doma, a to jutře w 15 hodź. přećiwo TTV Neugersdorfej. Derby Rakecy – Konjecy w 1. wokrjesnej lize, stafla jedyn budźe přichodny štwórtk wot 19 hodź. w Rakecach.
K zazběhej hnydom derby
Nimo třećeje koparskeje ligi Němskeje a regionalneje ligi startujetej jutře a njedźelu tež zaso wokrjesna wyša liga a wokrjesna liga do druheje połserije. Dyrbi pak so z tym ličić, zo někotre hry wupadnu. Na serbski derby wočakuje njedźelu wot 12.30 hodź. Chróšćanska rezerwa ST Marijinu hwězdu.
16.02. 14:00 Rakečanske ST –
ST Radwor (w Kamjencu)
16.02. 14:00 Módro-běli Kulow –
Zeleno-běli Bukecy
17.02. 13:30 Budissa Budyšin –
SV Babelsberg
17.02. 14:00 SJ Njebjelčicy –
HZ Wulke Ždźary
Nowopřichady wuprudźeja nadźiju
FC Energija Choćebuz
– Würzburger Kickers 1:2 (0:1)
Zestawa domjacych: Spahić – Hemmerich, Müller, Matuwila, Schlüter, Gjasula, Bohl (74. Viteritti), de Freitas, Broschinski (58. Rangelow), Geisler (81. Holthaus), Mamba
Wšitke štyri nowopřichady zymskeje přestawki je koparski trenar FC Energije Choćebuz Claus-Dieter Wollitz minjenu sobotu do startoweje formacije wzał. A kompletny kwartet wukonliwosć nowačka třećeje ligi zwyši. W tym nastupanju smědźa so zamołwići a přiwisnicy nadźijeć, zo sylnje změnjene mustwo klasu dźerži, byrnjež na zestupnym městnje stało.
Byrnjež Choćebuženjo tónkróć derje nadběhowali, poradźi so hosćom zažne nawjedowanje, dokelž škit domjacych porjadnje njeagěrowaše. Dominic Baumann přihrawku Orhana Ademija přetwori. Byrnjež Energija přez Jürgena Gjasulu (20.) a Strelija Mambu (24.) někotre wjele lubjace akcije měła, dźěše Würzburg ze zbožownym 1:0 do kabiny.
W Kyrkonošach sněhakowali a za bulom honili
Koparjo SJ Njebjelčicy přebywachu wot 8. do 11. februara w sněhakowanskim lěhwje w čěskim Benecko. Trenar prěnjeho mustwa Handrij Krawčik bě hižo nazymu wšitko dokładnje planował a so wo wotpowědny wotběh postarał. Cyłkownje wobdźěli so šěsnaće aktiwnych pod nawodom Handrija Krawčika a přewodnika Bjarnata Deleńka.
Sobotu po snědani wobstarachu sej wšitcy we wupožčowanskej staciji sněhaki a wotpowědne črije a podachu so na derje spřihotowane sněhakowanske čary.
Najmłódši SGB złoto dobyli
Hólcy 7. lětnika Serbskeho gymnazija Budyšin (SGB) dobychu w Kamjencu wolejbulowe regionalne finale šulerskeho wubědźowanja „Młodźina trenuje za olympiju“. Hrajerjo wokoło kapitana Eliasa Kummera přewinychu gymnaziastow z Radeberga a Ochranowa kaž tež šulerjow WŠ Rychbacha stajnje z 2:0, a pojědu 3. apryla na sakske krajne wurisanje do Grimmy.
W stawiznach wolejbuloweho sporta na SGB kwalifikowachu so druhi raz hólcy najmłódšeje starobneje skupiny za sakske finale. Před sydom lětami běchu to hrajerjo wokoło kapitana Mateja Cyža, kotřiž so z bronzowej medalju nawróćichu. Z rjanym wuspěchom aktualnych wolejbulistow w regionalnym finalu w Kamjencu powjetši so ličba docpětych finalow na třinaće. Jedna slěborna a pjeć bronzowych medaljow je zwjeselaca bilanca našich šulerjow w dotalnych kónčnych krajnych wurisanjach při wysokim saku.
Serbski gymnazij Budyšin – Wyša šula Rychbach 2:0
Šěsć dypkow za faworita
Aktualna tabulka
1. Volleys Koblicy 12 36 : 5 36
2. CVJM Zhorjelc 11 30 : 15 27
3. Viktoria Worklecy 11 28 : 14 24
4. MSV Budyšin 04 II 12 21 : 25 14
5. Módro-běli Wojerecy II 11 18 : 21 13
6. ST Wulka Dubrawa 12 17 : 27 13
7. TSV Niederoderwitz 11 13 : 27 10
8. TSV Kundraćicy 10 14 : 26 8
9. OSSV Kamjenc 10 10 : 27 5
Po dospołnje njetrjebawšej poražce 2:3 w Niederoderwitzu chcychu so wolejbulisća Viktorije Worklecy wo dobyće prócować. Na domjacym hrajnym dnju witachu woni šestce z Kundraćic a Wulkeje Dubrawy – přećiwnikaj to, kotrejuž dyrbjachu porazyć.
Viktoria Worklecy – TSV Kundraćicy 3:1 (25:17, 25:11, 18:25, 25:16)
Přećiwo Kundraćicam podachu so młodźi dźiwi chětro nerwoznje do hry. Tak wostachu hosćo hač do 10:8 w małym zastatku. Skónčnje so domjacy zhrabachu a wotsalichu so dypk po dypku k suwerenemu sadźbowemu 25:17.
Tři razy rěkaše minjenu sobotu we Wojerowskej VBH-arenje z wida ...
Chróšćenjo dalši wuspěch žnjeli
Za kóždolětny halowy koparski turněr su Ralbičanscy stari knježa znowa wjacore přeprošenja rozesłali. Jara zwjeselace bě, zo je wšitke mustwa sćěhowachu, a tak je so šěsć cyłkow wo pućowanski pokal wubědźowało. Nimo zakitowarja pokala ST Marijineje hwězdy běchu to zastupnistwa z Chrósćic, Hórkow a Njebjelčic.
Wučerjo-wolejbulisća gymnazija turněr znowa dobyli
Třeći wólnočasny wolejbulowy turněr serije „top-šěsć“ w Kulowje dobychu wučerjo Serbskeho gymnazija Budyšin (SGB) před mustwom z Worklec a prěnim domjacym zastupnistwom.
Roland Stiebitz, předsyda sportoweje jednotki Žołto-módri Kulow, witaše sydom wolejbulowych wólnočasnych mustwow na druhi ptačokwasny turněr w tamnišej sportowni. Kaž hižo loni juskachu tónraz znowa wučerjo-wolejbulisća SGB, kotřiž pjeć partijow dobychu, ale přećiwo prěnjemu mustwu z Kulowa přěhrachu. Tamniši wolejbulisća pak podležachu Worklečanam a hrajachu dwójce njerozsudnje. Tak wuskoči za nich na kóncu třeće městno.
