Wudospołnjenje čłonow CDU z Hućiny do nawodneho namjeta přiwzali

Połčnica (SN/at). Politiku korigować chcedźa čłonojo Budyskeho wokrjesneho zwjazka CDU. Za to su na njedawnym wokrjesnym stronskim zjězdźe w Połčnicy z wjetšinu nawodny namjet schwalili. Na wotpowědny wot wobchodniskeho wokrjesneho předsydstwa zdźěłany naćisk běchu gmejnske, měšćanske a regionalne zwjazki strony něhdźe 30 wudospołnjenjow zapodali.