Hrajny plan steji

Dienstag, 12. April 2022
Artikel bewerten
(0 Stimmen)

Flensburg (SN/JaW). Hrajny plan za lětuše koparske mišterstwa europskich narodnych mjeńšin, kotrež wotměja so wot 25. junija do 3. julija w Korutanskej, je jasny. Wčera stej jón Federalistiska unija europskich narodnych mjeńšin (FUEN) a narodna mjeńšina Korutanskich Słowjencow w Awstriskej jako wuhotowarjej turněra wozjewiłoj. Kaž z běrowa FUEN w Flensburgu rěka, njebu hrajny plan, kotryž­ su za turněr 2020 přihotowali, změnjeny. Serbska wubranka nastupi tuž mjez druhim we Velikovecu (Völkermarkt), w Sele (Zell) a w Galiciji (Gallizien). Wo­se­bity budźe łužiskim koparjam zawěsće duel přećiwo hosćićelskemu mustwu Koro­ška, wutoru, 28. junija, we wulkim Wörthersee-stadionje w Celovcu (Klagenfurt). W arenje, w kotrejž je za­ 30 000 ludźi městno, hraje tež Awstriske narodne mustwo.

Veröffentlicht in Sport
Bitte anmelden, um einen Kommentar zu posten

Anzeige