Slaviamarš wulki wuspěch był

Montag, 13. Juni 2022
Artikel bewerten
(0 Stimmen)
Tu při sportnišću w Hórkach běše startowy dypk sobotneho běha. Organizaciski team běše w předpolu taflički, kotrež puć pokazowachu, kaž tež wšelke stacije z jědźu a pićom spřihotował.  Foto: Franc Matješk Tu při sportnišću w Hórkach běše startowy dypk sobotneho běha. Organizaciski team běše w předpolu taflički, kotrež puć pokazowachu, kaž tež wšelke stacije z jědźu a pićom spřihotował. Foto: Franc Matješk

91 běharjow a běharkow so na 50kilometrowskim běhu wobdźěliło

Hórki/Radwor (SN/JBo). Při najrjeńšim słónčnym wjedrje poda so zašłu sobotu rano we wosmich cyłkownje 91 ludźi k startowemu dypkej Slaviamarša při sportnišću w Hórkach. Wottud wjedźeše 50kilometrowska čara podłu serbskich polow, łukow, lěsow a wsow do Radworja. Organizowali běchu wosebity marš sotře Marie-Luise a Leonie Mat­ješkec zhromadnje z Matejom Wjeńku a Fabianom Šerakom w kooperaciji ze Serbskim młodźinskim towarstwom Pawk. W předpolu běchu młodźi Serbja hižo wšelke taflički přihotowali, kotrež wobdźělnikam a wobdźělnicam puć pokazowachu. Přidatnje stajichu čaru Slaviamarša na „Komoot“, nawigaciskej apli­kaciji za aktiwity pod hołym njebjom, k dispoziciji. W Pěskecach, Koslowje a Holešowskej Dubrawce běše organizatoriski team nimo toho stacije natwarił, hdźež móžachu so běharjo a běharki wočerstwić a wšelke napoje a jědźe wužiwać. Po wužadacym maršu bě potom 86 wobdźělnikow a wobdźělnicow cil w Radworju docpěło.

Veröffentlicht in Sport

Galerie

dalši wobraz (1) Wulkotne wjedro a krasna krajina wočakowaštej běharjow a běharki na sobotnym Slaviamaršu. Foto: priwatne
dalši wobraz (2) Serbskopazličan Syman Handrik bě po sydom hodźinach a 49 mjeńšinach do Radworja doběžał. Foto: Jakub Wowčer
Bitte anmelden, um einen Kommentar zu posten

Serbska debata

Neuheiten LND