Mjeńšinowy sekretariat w Berlinje spochi dale dźěła

Berlin (SN/BŠe). Lěto 2025 startuje w Mjeńšinowym sekretariaće w Berlinje z nowymaj sobudźěłaćerkomaj. Wot spočatka lěta dźěła Marie Wörner jako projektowa managerka za pućowacu wustajeńcu „Što rěka tu mjeńšina/Was heißt hier Minderheit?“. Wustajeńca pućuje lětsa w nalěću do Serbskeho muzeja w Budyšinje. Wotewrjenje je 6. apryla planowane. Přeprošenje a dalše informacije hišće slěduja.

Marie Wörner je loni jeje masterski studij we wobłuku towaršnostneje a hospodarskeje komunikacije na Berlinskej uniwersiće za wuměłstwo wotzamknyła. Wona ma wobšěrne znajomosće projektoweho managementa, interkulturelneho zhromadneho dźěła a wuwića participatiwnych konceptow. Z wulkej zahoritosću chce wona inowatiwne formaty a nowe impulsy wuwić.