Prawicarske hibanje tež na serbskich šulach přiběra

Budyšin (SN/BŠe). Šulerki a šulerjo maja w šulach zakładne hódnoty našeje towaršnosće a demokratiskeho zhromadneho žiwjenja nazhonić. Tola to je dźeń a ćešo. Antidemokratiske pozicije a nastajenja a polarizacija po cyłej Europje a na swěće přiběra. W diskusijach so hranicy překroča, rasistiske wuprajenja w zjawnosći přiběraja atd. Wopačne powěsće so šěrja. Prawicarjo so w zjawnosći hižo njeboja zakazane symbole abo gesty pokazać. Šule maja so z tajkim wuwićom w towaršnosći rozestajeć, štož je za nje dale a wjetše wužadanje.