Jurij Bobka słuša do kruha najwuspěšnišich jěcharjow Sakskeje

16lětny Jurij Bobka je sej minjeny kónc tydźenja w Langenstriegisu blisko Frankenberga slěbro w mnohostronskim jěchanju na krajnej runinje wudobył. Při tym pak njeměrješe so z wobdźělnikami jeničce ze swójskeje starobneje klasy, ale ze wšěmi. Na kóncu podleža jeničce swojemu lokalnemu konkurentej Křesćanej Zahrodnikej. Składnostnje tohole wuspěcha je so Julius Paška z młodostnym rozmołwjał.

We Worklecach rodźeny a tam bydlacy Jurij Bobka je lětsa wyšu šulu z realnošulskim wotzamknjenjom zakónčił. Jeho přichodny cil je fachowa matura do směra techniki. Što chcył po tym činić, hišće njewě.

Prěnje nazhonjenja