Ze šulskimi zešiwkami spytali šulerki a šulerjow zaměrnje ...

Freitag, 11. August 2017
Artikel bewerten
(0 Stimmen)
Maxim Gorki a Tolstoj na wobalce zešiwka serbskeje šulerki  Foto: Eberhard Schmitt Maxim Gorki a Tolstoj na wobalce zešiwka serbskeje šulerki Foto: Eberhard Schmitt

Nowe šulske lěto je zahajene a wjetšina je sej dypkownje trěbne utensilije wobstarała. Zawěsće pak dyrbja nětkole tež někotři přiznać, zo su sej to abo tamne hakle w poslednim wokomiku wobstarali, zo njeby tež ničo w šulskej tobole pobrachowało. Chětro wažne su wězo tež šulske zešiwki, zo móhli šulerki a šulerjo swoju wědu pisomnje zwěčnić a pozdźišo na nju wróćosahnyć.

Apropos šulske zešiwki. Te su dźensniši dźeń chětro drohe. Kak pak bě to ně­hdy? Cyłe dźesać pjenježkow – abo najgroš – płaćeše něhdy tajki zešiwk w fomaće A5, pak kašćikaty, pak linkaty abo prosće běły a pijawka tež hižo w nim ležeše. Wulke zešiwki běchu trochu dróše. Jenički wudawaćel wšěch šulskich zešiwkow a wučbnicow w NDR běše Berlinske nakładnistwo Volk und Wissen, z pod so přirjadowanymi kónčkojtokutnymi třiróžkami wuhotowanym logom „VWV“. Załožene bu nakładnistwo w lěće 1945 w němskej stolicy, hdźež tež hač k zjednoćenju z nakładnistwom Cornelsen w lěće 1991 wobsteješe. Šulske zešiwki běchu z měnjacymi so wobal­kowymi łopjenami wobdate, štož pak z tróšku wupłokanej zelenej barbu w 1970tych lět kónčeše.

Veröffentlicht in Předźenak

Galerie

dalši wobraz (1) Zešiwk z wobrazom Loreley-skaliska
Bitte anmelden, um einen Kommentar zu posten

Serbska debata

Neuheiten LND