Kóžda wjeska wokoło Wojerec ma swójske jutrowne nałožki a je wot generacije ke generaciji dale dawa. W Čornym Chołmcu stej to krjepjenje jutrowneje wody a šibałe pryzle młodych wjesnjanow. Wone k jutram słušeja a su wuraz zhromadnosće.

Zdypkom w połnocy pacholjo zwony cyrkwje zwonja. Tak so w Čornym Chołmcu ze swětłymi zwukami zwonow ranje jutrowničku započina. Wjesołe poselstwo Jezusoweho zrowastanjenja ma tež we wjesnymaj kolonijomaj Čorneho Chołmca na Pěcarjowej horje (Petzerberg) a Kózłu (Koselbruch) słyšeć być. Na pasionske spěwanje žonow a holcow sćěhuje tradicija krjepjenja jutrowneje wody. „Njewudate holcy podadźa so k Čornochołmčanskim žórłam. Wone čerpaja z karanami ,jutrownu wodu‘ z wjesneje hrjebje“, wopisujetej Sabrina Wagner, kotraž je předsydka towarstwa skupiny za nałožki Krabat Čorny Chołmc, a čłonka zjednoćenstwa Silvia Stephan.

Z Konjec pochadźaca Juliana Gruhnec wěnuje so kreatiwnej naslědnosći

Nimo swojeho projekta „Juleos­Koffer“ a indiwidualnje wuhotowaneho rozžohnowanja njezmandźelenych poskića Juliana tež ­kreatiwne programy na swjedźenjach a zarjadowanjach za młodych a starych.

Wuběr poskitkow

rozžohnowanje njezmandźelenych

Ø sektowe přijeće na štabrach

Ø DJ

Ø performance z wohenjom

Ø performance

z mydliznowymi pucherjemi

Ø naslědne dźěłarnički

Ø čerstwe cocktaile a pizza

dźěćace narodniny

Ø cirkus k wobdźělenju

Ø šminkowanje za dźěći

Ø kófer za předrasćenje

Ø paslenje cirkusowych rekwizitow

dalše wustupy

Ø klawnerija

Ø běh na štabrach

Ø kreatiwne dźěłarnički

Ø wuměłske wustupy

Dalše informacije pod abo na digitalnej platformje Instagram: @ krauseglucke.

Štož wjesku Brěžki na wosebite wašnje z jutrami zwjazuje

Jutrowničku rano wobydlerjow wjeski Brěžki zhromadna wužohnowanska modlitwa zwjedźe. Při modlerskim stołpje z motiwom swjateho ­Bosćana wosrjedź wsy z 160 wobydlerjemi wjesnjenjo a štyrjo křižerjo pozastanu. „Daj Bóh zbožo, zo bychmy Bohu k česći pobyli a so bjez škody domoj nawróćili. Daj to Bóh“, so křižer Měrćin Njekela serbsce modli. Prosy Boha wo pomoc na puć. Krótko po tym dalšich jěcharjow žohnuje. Tu ći wotmołwja ­jemu z „Daj to Bóh“. Za mnohich wobydlerjow je ­tole hnujacy wokomik. Blisko Němcow so jěcharjo pozdźišo do Kulowskeho jutrowneho procesiona zarjaduja. Jedna so wo najstarši, najwjetši a jenički dwurěčny němsko-serbski procesion dźewjeć kři­žerskich procesionow w Budyskej kónčinje. Wot lěta 1541 – z wuwzaćom w lěće 2020 – kóžde lěto po­selstwo wo zrowastanjenju Jězusa Chrystusa do katolskeje susodneje wosady Ralbicy noša.

Farar Petr Jan Vinš wo jidišćinje, serbšćinje a serbskich bohosłužbach w Praze

Zhromadne čěsko-serbske bohosłužby stachu so zašłe lěta z wěstym standardom za Serbow, kotřiž su do Prahi na wopyt přijěli. Kóždy raz so wotměchu w starokatolskim Domje swjateho ­Ławrjenca na hórce Petřín, kotraž je wuhladneje wěže – takrjec Praskeje ­Eiffeloweje wěže – dla znata. Na tutych kemšach je so hižo muski chór Delany wobdźělił, wospjet tež studenća, kiž su so w probowym lěhwje w Praze na schadźowanku přihotowali. A naposledk bě to skupina Serbow, kotraž je silwestersku Prahu wopytała. Kóždy raz je farar Petr Jan Vinš kemše swjećił a prědował. Na tute wosebite wašnje ­ wón hižo dołho serbsko-čěske poćahi sylni. Je so z nim Lukáš ­Novosad ­rozmołwjał.

Hdyžkuli Was něchtó wo serbske kemše prosy, jemu próstwu njewotpokazaće. Što poprawom Was na tym wabi?