Suchec mandźelskeju, tak mi kolega rjekny, najlěpje docpěješ, hdyž sej k nimaj domoj dojědźeš. Tuž podam so do Chrósćic. Satkula, při kotrejž by­dlitaj, ćeće do směra na Delany. Před statokom zetkam Jurja Sucheho, kiž swój dźěłowy grat hnydom na bok staji, jako zhoni, zo chcu z nim wo dobje bjesadować, kotraž běše, je a wostanje za Serbow wulki historiski podawk. Na móličkej terasy před bydlenskim domskim Marija Suchowa młodu micku do domu wabi. Z pódlanskeho twarjenja kiwaja mi běłe róže stareje­ družiny z luboznej wónju.

Samozrozumliwy rozsud

Jurij Suchy je po wšěch Chrósćicach a daloko za nimi znaty jako serbski wučer. „Ja sym 1. septembra 1960 tu w Chrósćicach započał z wučerjenjom, kaž je so tehdy šula započinała“, wón powěda. Wón drje njeje rodźeny Chróšćan, je so, kaž bychu to stari Serbja prajili, do Chrósćic nutř ženił. „Ja pochadźam z Łuha pola Smječkec a sym chodźił do Worklec do šule, ja sym maćeri fararja Hrjehorja do šule chodźił, Rejzy Hrjehorjowej.“

Před 175 lětami najwjetša skupina Serbow do Awstralskeje wupućowała

W lěće rewolucije 1848 započachu Serbja z Hornjeje Łužicy w skupinach wupućować na cuze kontinenty. Wutwar železniskich čarow zmóžni jim so do přistawow při Sewjernym morju dóstać. Běchu to wjetše a mjeńše skupiny, kiž so spočatnje do Awstralskeje, pozdźišo tež do Texasa podachu. Najwjetša skupina Serbow, kiž je na pjaty kontinent wupućowała, wobsteješe z 92 wosobow a wopušći swoju domiznu w lěće 1851, potajkim runje před 175 lětami.

Pobožni serbscy bratřa

Před 25 lětami běchu Serbja na čole cyłokrajneho hibanja za zdźerženje małych šulow we wjesnych kónčinach Sakskeje

Chróšćan zběžk bu po rozsudźe wojowacych staršich srjedź septembra 2001 jenož „přetorhnjeny“. Jich politiske žadanja nastupajo serbske kubłanišća hač do dźensnišeho spjelnjene njejsu.

Křesćan Korjeńk je přećelny čłowjek, kiž napjate situacije měrnje zmištruje. Hdyž krótko do zahajenja šulskeho lěta 2001/2002 jako direktor Worklečanskeje srjedźneje šule ze sekretarku na staršiskej zhromadźiznje 5. lětnika w Chrósćicach steješe, wědźeše, zo so přitomni z organizatoriskimi prašenjemi puća do šule w susodnej gmejnje zaběrać nochcychu. Nawopak: Zwuraznichu, zo sej přichod za swoje dźěći na Chróšćan kubłanišću přeja. Tohodla přeswědčeny Domowinjan wuzběhny, zo jim prosće informacije posrědkuje. Domowina sedźeše tohorunja w rumnosći, team Rěčneho centruma Witaj (RCW) pod nawodom Rafaela Wowčerja. Woni běchu staršim poboku a su potom wšědne rańše protestne manifestacije na šulskim dworje sobu wuhotowali.

mjeno: Jan Bogusz

w towarstwje wot 2001 

hraje sam w prěnim mustwje

nadawk:

zamołwity za hrajne rozprawy zhromadnje z Maksimilianom Kral-Zahrodnikom

liga:

wokrjesna wyša liga

trenar:

Waldemar Adamowicz

kapitan:

Oskar Hawš

cil sezony:

solidne městno w prěnim dźělu tabulki

horjeka wotlěwa: trenar Waldemar Adamowicz, Jan Bogusz, Jakub

Škoda, Klemens Mark, Mato Dźisławk, Bosćan Donat, Franziskus Wornar, Lucian Zahrodnik, Clemens Handrik, mustwowy nawoda Roland Brězan