Wjace hač 80 krajow widźał
Stefan Möller wukonowy sport a dyrdomdej zjednoća a po cyłym swěće jězdźi
Z 32 lětami je Stefan Möller hižo po wjace hač 80 krajach pućował – žiwjenski stil, wo kotrymž mnozy jenož sonja. Tola za jimacymi ličbami tči wjele wjace hač stysk za dalokim swětom: Je to stawizna muža, kiž je sport, jězby a wosobinske hranicy k wurjadnemu žiwjenskemu pućej zwjazał.
Jónu cyłe lěćo w horinach być
Susanna Krawčikowa je sej dźesać lět trajacy són wo přebytku w šwicarskich Alpach spjelniła
Susanna Krawčikowa chce na kóždy pad hišće raz na „swoju“ almu jěć.Woči zawrěć a sonić, wo zelenych łukach, pisanych kwětkach, měrnych kruwach, fifolacych ptačkach, wo schadźenju a chowanju słónca. A to přez cyłe lěćo. Čehodla nic? Tak je so Susanna Krawčikowa z Njebjelčic prašała a sej són wo lěću w Alpach zwoprawdźiła. „Chcych cyle jednorje jónu tajke lěćo dožiwić“, wona praji, dopominajo so na krasny čas w Šwicarskej. „Něhdźe dźesać lět je trało, wot prěnjeje ideje hač k třom měsacam w dalinje.“ Prjedy hač so wona woprawdźe na puć nastaji, je so akribisce na přebytk přihotowała. „Sym wjele čitała, sej rozprawy ludźi w interneće a telewizy wobhladała, kotřiž su w horinach přebywali. A při tym zwěsćich, zo nochcu něhdźe dźěłać, hdźež mam ludźi posłužować, nochcych w kuchni dźěłać a tež žane łoža poćahować. Skerje chcych něhdźe poboku burskeje swójby w přirodźe ze skotom činić měć.“ Dalše akcenty běchu, zo njeje při dźěle sama a zo njetrjeba z lajkami dźěłać.
Foće:diana mejnowaFoće: Bernadet Pjetašec a Carolin JurkowaKopica ...
Foće: Bernadet Pjetašec a Carolin Jurkowa
Kopica předšulskich dźěći, kiž w Radworskej gmejnje do pěstowarnjow chodźa, zastupi lětsa zhromadnje do šule. Tuž běchu do šule přeprošene. W jědźerni zakładneje šule je šulska wjednica knjeni Rynčowa witaše. Po tym sej dźěći
wonka lóštnu hru zahrachu, zo bychu so mjez sobu zeznali.
Při kreatiwnej dźěłarničce, kotruž přewjedźe z nimi serbski eksperiMINT-campus Radwor, zaběrachu so z rjanym serbskim nałožkom, debjenjom jutrownych jejkow w technice bosěrowanja. Dźěći wobhladachu sej formy pjerkow a zhonichu,
kotry wuznam maja wšelake barby a mustry na jutrownych jejkach. Wutrajnje sadźachu z pjerkom mustry na swoje jejka, a tež swěčki rjenje wudebichu. Z pisanymi wudźěłkami podachu so z kubłarkami zaso do swojich pěstowarnjow. Nětko wědźa, z kim do 1. lětnika póńdu a wjesela so hižo na swojich sobušulerjow.
Diana Mejnowa
Předšulske dźěći přihotuja so na jutry
Křižer w pěstowarni
W přichodnym
Dźěćiznaku wam
młody pčołar Achim tójšto wo swojim
hobbyju
přeradźi.
To woprawdźe wažne w ćišinje sej wotkrywać
Hdy sće posledni raz swoje šmóratko hasnyli a kak dołho sće to wutrali? Sam so lepju, zo mam wulke ćeže, swojeho swěrneho digitalneho přewodnika dlěje hač něšto hodźin za sobu nabok połožić. Přezajimawe su wideja, powěsće a dalše powabki, kiž so za wobrazowku chowaja. Stajnje zaso něšto noweho nazhonjam, a swoju zamóžnosć so koncentrować připódla přisadźam. Ludźo w mojej starobje móža so přerěznje jenož hišće wosom sekundow efektiwnje na jednu wěc koncentrować.
Přez studij žiwjenje we wukraju sej zbližić
Semester we wukraju studować, nowe kultury sej zbližić a mjezynarodne přećelstwa nawjazać – mnohim studowacym je to wulki són. Erasmus je europski program za wuměnu, kotryž runje tutón són zmóžnja. Dlěje hač tři lětdźesatki skići program młodym ludźom šansu, dźěl swojeho studija w druhim europskim kraju absolwować.
Europska unija je program w lěće 1987 załožiła. Dźensa słuša k najznaćišim kubłanskim iniciatiwam Europy. Uniwersity w mnohich europskich krajach w jeje wobłuku hromadźe dźěłaja, zmóžnjejo tak swojim studowacym njekomplikowanu wuměnu z partnerskimi šulemi we wukraju.
Po cyłej Němskej po puću
Emilia Döringec pochadźa z Radworja a skutkuje w zarjadowanskej branši
Hdyž powěda Emilia Döringec wo swojim wšědnym dnju, so spěšnje wukopa: Jeje žiwjenje je wšo druhe hač monotone. Mjez předawanjom tiketow, jězbami přez cyłu Němsku a nowymi zetkanjemi w branši za eventy je 21lětna swoje městno namakała – a to daloko wot swojeje domizny. Wotrostła je w serbskim Radworju, za swoje wukubłanje zwaži sej trěbnu kročel a přećahny do Lipska. Tam dźěła wot lońšeho awgusta pola posłužbarja za tikety Reservix a zanurja so wot toho časa hłuboko do swěta zarjadowanjow. Hižo zahe bě jej jasne, zo chce powołanje nawuknyć, kotrež wotměnu, zamołwitosć a kontakt z ludźimi zwjazuje. Wukubłanje na zarjadowansku překupču runje to zjednoća – a hišće wjele wjace. „Mje je zajimowało, kak so zarjadowanja poprawom organizuja a što so za kulisami stawa“, wona zwuraznja. Jeje wšědny dźěłowy dźeń postaja praksa. W předewzaću podpěruje koleginy a kolegow, přihotuje prezentacije, dźěła z kupcami a dóstawa dohlad do wšelakich wotrjadow – wot organizacije hač do knihiwjednistwa.
Rědka forma komorneje hudźby na zynkonošaku referencneje klasy
Klarinetowe kwintety słušeja ke kompozicijam, kotrež so w komornohudźbnej literaturje skerje zrědka jewja. Byrnjež wjacori mištrojo klasiki a romantiki někotružkuli mištersku twórbu za tajkule wobsadku spisali – často wěnowanu wirtuozej na solowym instrumenće –, zwosta forma, hinak hač na přikład kruchi za štyrjoch smyčkarjow a klawěr resp. křidło, takrjec nakromny fenomen. Ju trochu ze „žiworjenja w ćěmnosći“ wuswobodźić bě přewšo nadarjenemu klarinetistej Danielej Royjej z pohonom, hudźbytwórcow za nju zahorić a – nic naposledk za njeho – wotpowědne partitury zdźěłać. Dźěl z nich je zhromadnje z cyłkom Collegium Mathis Rochat nahrawał. Wuslědk je loni z podpěru Załožby za serbski lud w nakładnistwje Edition Roy na CD wušła zběrka twórbow načasnych serbskich komponistow, kotraž móhła samo recipientow přeswědčić, kotřiž so poprawom za stilistisce cyle hinaše zynki zajimuja.
Chcedźa wuznamny pomnik zachować
Kajki wupada přichod sotrownje w Małym Wjelkowje?
Z wotpokazanjom próstwy wo spěchowanje pola „Interreg“ su wobsedźerjo a towarstwo wulku poražku znjesć dyrbjeli. Tola wot toho njedadźa so woni zatrašić a přihotuja tuž hižo nowy projekt. Poražka woznamjenja drje dlijenje projektow, ale na žadyn pad kónc prócowanjow wo zdźerženje pomnika.
Mustry a barby na debjenych jejkach maja wosebity woznam
Jutry bjez debjenja a wóskowanja jejkow? Za mnohich ludźi we Łužicy je to njepředstajomne. K tomu słuša tež Sigrun Nazdalina.
W Pětrohrodźe trjebaja wjele podpěry
Iniciatiwna skupina Křesćanskich staršich w Kulowje hižo 35 lět potrěbnym w nuzy pomha
Oleg bydli a stara so wo swojich šěsć dźěći a małeho wnuka cyle sam. Jeho mandźelska Svetlana je dušinje chora. „Něhdy je so 35lětna wo dźěći starała, mjeztym zo je Oleg dźěłał a tak swójbu zežiwił. Tola jako přińdźe mandźelska do chorownje, dyrbješe Oleg swoje dźěłowe městno wupowědźić a so wotnětka sam wo hladanje dźěći starać“, rysujetaj Angela Popella a Edith Skopi z iniciatiwneje skupiny Křesćanscy starši w Kulowje jeho połoženje. Wot lěta 1994 podpěruje iniciatiwa wobstajnje swójby a samokubłacych w ruskim Pětrohrodźe, tež Olega. Předewšěm jedna so při tym wo chudych, chorych, zbrašenych, zadołženych abo wot domjaceje namocy potrjechenych wobydlerjow. To su ludźo, kotřiž dyrbja ćežke situacije zmištrować.
