15. mjezynarodny folklorny festiwal Łužica-Łužyca-Lausitz je zahajeny! Z pisanym přećahom po Budyskim nutřkownym měsće su ­wukrajni hosćo kaž tež hosćićelej festiwala, Smjerdźečanska rejo­wanska skupina a Serbski folklorny ansambl Wudwor, wopytowarjam wčera prěni dohlad do programa lětušeho festiwala skićili. Dohromady jědnaće skupinow je ze wšěch kućikow swěta do Łužicy přichwatało, zo bychu tule na třoch městnach swoje programy před­stajili. Po přećahu wčera w Budy­šinje prezentowachu wšitke cyłki krótke wurězki swojeho repertoira na hłownym jewišću Němsko-Serbskeho ludoweho dźiwadła (wjace wo tym na prěnjej stronje dźensnišeho wudaća). Naš fotograf běše ducy po měsće po boku skupinow. Tuž smy Wam přehlad wšěch wukrajnych skupinow zestajili, kiž móžeće lětsa na festiwalu dožiwić. Přejemy Wam krasne dožiwjenja na statokach a dróhach Hornjeje a Delnjeje Łužicy. Nasrěbajće so mjezynarodneho ducha a hejsujće hač do młodeho ranja. Po festiwalu so wězo na Waše najrjeńše wosobinske fota wjeselimy, kotrež móžeće nam rady na redaktion@serbske-nowiny.

Benutzername

Passwort

Noch kein Benutzerkonto erstellt?
Passwort vergessen?
Benutzername vergessen?