nazymnik Zo by Załožba za serbski lud w lěće 2019 tro­chu wjace pjenjez měła, je so jeje direktor za wusyłanje Günthera Jaucha „Štó budźe milionar?“ požadał a samo kwalifikaciske pra­šenje najspěšnišo wotmołwił. Na wuznamnym stólcu sedźo pak wón hižo při prěnim prašenju zwrěšći: Kelko Serbow hišće serb­šćinu nałožuje? Při móžnych wotmoł­wach a) 60 000, b) 0815 c) nichtó abo d) 20 000 jemu tež žadyn z jeho telefonowych jokerow pomhać njemóžeše: ani prof. dr. Edward Wornar ani prof. dr. Die­trich Šołta ani Dawid Statnik.
winowc Po tym zo su tydźenje a měsacy dołho rozmyslowali, do kotrych nowych rumnosćow móhł Budyski Serbski institut zaćahnyć, je so přepyto­wan­ska komisija nětko rozsudźiła, při Budy­skich Lawskich hrjebjach za to nowy dom na­­twarić. Tam bychu za wědomostne dźěło najlěpše wuměnjenja měli. Kaž pak za kulisami šukotaja, sobudźěłaćerjo z tym scyła pře­zjedni njejsu. Na Dwórnišćowej mějachu hotowu idylku a samo park. Při Lawskich hrje­bjach porno tomu změja wulku haru wob­chada dla. Tam žadyn čłowjek strowy spar njenańdźe.

hodownik