Z wjeselom so wubědźować

Freitag, 27. April 2018
Artikel bewerten
(0 Stimmen)
W aprylu staj Dawid Wowčer na pozawnje a Sophie Hejduškec na klawěrje zhromadnje kruchaj za lětuše wubědźowanje „Młoda serbska hudźba – Młoda serbska muzyka“ nazwučowałoj. W Budyskej wokrjesnej hudźbnej šuli běštaj jimaj při tym tež wučerjej Margitta Luttner a Holm Oswald k pomocy. Carmen Schumann W aprylu staj Dawid Wowčer na pozawnje a Sophie Hejduškec na klawěrje zhromadnje kruchaj za lětuše wubědźowanje „Młoda serbska hudźba – Młoda serbska muzyka“ nazwučowałoj. W Budyskej wokrjesnej hudźbnej šuli běštaj jimaj při tym tež wučerjej Margitta Luttner a Holm Oswald k pomocy. Carmen Schumann

Na lětušim wurisanju talentowaneho hudźbneho dorosta wobdźělitej so tež šulerjej w njewšědnej kombinaciji

Lětuše wubědźowanje dorostowych hudźbnych talentow „Młoda serbska hudźba – Młoda serbska muzyka“ so jutře na žurli Serbskeho ludoweho ansambla w Budyšinje zakónči. W Delnjej Łužicy su dobyćerjow hižo před dwěmaj njedźelomaj w rumnosćach Choćebuskeje Academy of Music zwěsćili. Wot SLA z podpěru Załožby za serbski lud w dwulětnym rytmusu zarjadowane wurisanje wotměje so hižo 11. raz.

Cyłkownje 29 wobdźělnikow – wšitcy wuknu na hudźbnych šulach pak w Budyšinje pak we Wojerecach abo w Lubiju – chce sobotu z dohromady 23 přinoš­kami wěcywustojnu jury přeswědčić. ­Hódnoćenskemu gremijej přisłušeja lětsa chórowy direktor SLA Andreas Pabst, koncertny mišter SLA Karl-Heinrich ­Starke a hudźbny pedagoga Lutz Spinde z Gródka. W starobnych klasach wot 7 do 17 lět mytuje jury najlěpše wukony w kategorijach solospěw, spěw z instrumentalnym přewodom a spěwny cyłk, husle, klawěr, pišćałki, pozawna a harfa. Wosebitosć wubědźowanja je, zo maja přinoški přewažnje serbske być.

Veröffentlicht in Předźenak

Galerie

dalši wobraz (1) Na wurisanju předstajitaj gymnaziastaj twórbu Budyšanki Liany Bertók a duet z pjera jendźelskeho komponista Philipa Sparki.
dalši wobraz (2) Bjez ćišća, ale z filigranej techniku: Sophie po tastach ...
dalši wobraz (3) ... a Dawid z mocu płucow – a tak na kóncu tola z ćišćom.
Bitte anmelden, um einen Kommentar zu posten

Serbska debata

Neuheiten LND