junij Na 8. koparskich swětowych mišter­stwach žonow, kotrež so wot 7. smažnika do 7. praž­­nika w Francoskej wotměja, so tónraz Serb­ska koparska wubranka žo­now wob­dźěli. Ma to takrjec poslednje treningowe lěhwo za klětušu europeadu być. Pozadk je, zo dźě běchu w Delnjej Łužicy namjetowali na­stajić tam wubranku muži za europeadu, z Hornjeje Łužicy pak wubranku žonow. Ta je so skónčnje jako ta dobra wopokazała, zo bu wot zamołwitych Němskeho koparskeho zwjazka na swětowe mišterstwa delegowana. Sportej a narodej – zdar!
meja Z wulkim brjušebolenjom čakaja w gmej­nje Ralbicy-Róžant na komunalne wólby. Tam nochcedźa hišće raz situaciju kaž před pjeć lětami dožiwić, jako bě so něm­sce rěčacy wobydler do komunalneho par­lamenta dó­stał. Tohodla su tam tónraz jenož serb­sko­rěčnych kandidatow na­sta­jili a so druhich ani prašeli njejsu. To njeje wězo nichtó pytnyć směł, hewak dyrbjeli sej hišće nje­demokratiskosć wumje­to­wać dać. Nětko so jenož nadźijeja, zo nichtó ze Smjerdźaceje abo wot druhdźe na ideju njepřińdźe, so jako samostatny kandidat nastajić dać.