Takle postrowištaj Milenka a Preston z 3. lětnika swojich sobušulerjow do hód na Radworskej zakładnej šuli. Moderatoraj witaštaj šulerjow 1. do 4. lětnika a jich wučerki na zhromadnu hodźinu w sportowej hali, zo bychu sej mjez sobu swoje talenty předstajili. A tajkich maja mjez šulerjemi, kaž su hižo při planowanju eventa zwěsćili, zawěrno dosć a nadosć. Mamy z wulkej wěstosću prawych wuměłcow w akro­batice, w rěčenju cuzych rěčow, w rejo­wanju, w hraću na wše­lakich instrumentach, we wjaco­rych sportowych dru­žinach a spěwanju.