Hibam so mjez swětomaj – wobaj stej zašłoj. Jedyn wjedźe mje do NDRskeho časa, hdźež sej ludźo tójšto wěcow chowachu. Tamny swět wjedźe mje do dźensnišeje doby, w kotrejž materielne wěcy hustodosć žanu trajnu hódnotu nimaja.
Zastupju do rumnosće, kotraž je sej šarm małeje stwy w bydlenju wjaceswójbneho domu, kaž je z časa do přewróta mějachmy a tež dźensa po woběmaj bokomaj němsko-němskeje mjezy mamy, zachowała. W bydlenju wita mje přijomne swětło małeje lampy na blidźe. Stólčkaj, na kotrejž so Elli Nowotny a ja posydnjemoj, stejitej njedaloko wokna. Hižo so słónco chowa a ćma sej rum zdobywa. Tola w bydlenju, wosrjedź bydlenskeje štwórće, posrědkuje Elli Nowotny swětło.
Socialna kótwica
