Adrian Mička (18)
z Bronja Sym sej předewzał, zo chcu so bóle sportej wěnować a swójske cile docpěć, a to we wjacorych sportowych družinach. Dalši a zdobom najwažniši zaměr je, zo chcu abituru derje zmištrować a potom studować započeć. Jeli korona-prawidła
dowola, chcu tež z přećelemi
na dowol jěć, runje to je mi
loni jara pobrachowało.
Ławrjenc Bobka (17)
z Miłoćic
Lěto 2020 bě za mnje pandemije dla jara chaotiske a zdobom njezwučene. Je jara škoda, zo wjele młodźinskich podawkow skomdźimy, runje w maturitnym lěće. Najbóle pak mje
mjerza, zo su sportowe hale zawrjene a socialne kontakty njedowolene. Chcu tuž lětsa wjele dožiwić, wězo
w ramiku móžnosćow
a postajenjow.
Katja Šeferec (17)
z Hory
Loni sym tež ja kaž zawěsće kóždy druhi młodostny jara wobžarowała, kelko ewentow je wupadnyło, a tak su tež socialne kontakty ćerpjeli.
Tohodla chcu so tak často kaž móžno a kaž to korona dowola, z přećelemi zetkawać. Za hobbyje chcu sej wjac časa brać, předewšěm
za našej konjej.
Kilian Hrjehor
je so mjez serbskimi młodostnymi naprašował, što su sej za tele