Schrift vergrößern
Stejo přikleskujcy a trójnu „Sławu“ spěwajo dźakowachu so přihladowarjo na wupředatej žurli Chróšćanskeje wjacezaměroweje hale „Jednota“ za poradźene předstajenje. Rafael Ledźbor
Na tejle stronje wozjewjene fotografije sposrědkuja dosć dobry zaćišć, na kak hoberski projekt su so ze spěwohru „Z TOBU – Bohu swjećene lěto“ zwažili a kelko prócy su za njón nałožili. Dohromady něhdźe 150 akterkow a akterow je inscenaciju w Chróšćanskej wjacezaměrowej hali „Jednota“ na jewišću kaž tež za a před nim dźens tydźenja prapremjernje předstajiło.
Pišćałkowy oktet pod nawodom Jadwigi Ošikoweje zahra mjez druhim zawjedowacu fanfaru spěwohry, kotraž na rewijowy musical dopomina.
Wulke finale: Dorostowej rejowanskej skupinje SLA Łužičanka a Serbskeho folklorneho ansambla Wudwor kaž tež wšitcy hrajerki a hrajerjo
Dźěćacy chór něhdźe třihodźinsku inscenaciju ze zapalom přewodźeše, Malte Rogacki (na wobrazowce) a jeho band přeswědčachu ze suwerenym wukonom.
