fota: Matej Dźisławk
Skupina Astronawt, kotrejž přisłušeja Matej Dźisławk,
Jurij Hantuš a Oliver Böhm, je předewšěm tež přez
swoje mnohostronske hudźbne wideja znata. „Cyle nowe a wosebite nazhonjenje”, kaž tući třo wuzběhnu, běštej spěwnej widejej, kotrejž stej njedawno w kooperaciji
z orchestrom Serbskeho ludoweho ansambla nastałoj. Produkciju „Ta ćma‟ ze spěwarku Milenu Wowčerjec
a rapperom Pětrom Dźisławkom jako Lil Handrij předstajichu prěni króć na 70. jubileju SLA. 23. oktobra
wozjewichu Astronawća w rjedźe wosebiteho projekta dalši titul, pod mjenom „Ha widźu-li‟, kotryž bazuje na teksće Handrija Zejlerja, je pak swójska kompozicija.
Wo pozadkach hudźbneho projekta powěda Matej Dźisławk: „Rozhłosownik a kolega Jakub Wowčer bě za format MDR Kultur přinošk wozjewił, hdźež su mjez druhim SLA kaž tež produkcije našeje hudźbneje skupiny tematizowali. Jako rjekny intendant Tomas Kreibich-
