Loni bě sćelak MDR Jump za serbskimi hudźbnikami pytał, z kotrymiž chcyše wosebity projekt „Popsorben“ zahajić. Rozsudźili su so na kóncu za skupinu Brankatschki. Nětko tući ze swojimi coverowymi spěwami syć zahorjeja, zběrajo za swoje krótkowideja na Instagramje a Tik Toku hižo tysacy, haj samo miliony klikow.

Tući „Popserbja“, to su Syman Hejduška, Christoph Cyž, David Cyž, Julian Bulank a Jan Brězan. Jan Bogusz je so z Christophom Cyžom – gitaristom skupiny Brankatschki – wo dotalnym wuwiću digitalneje kampanje a dožiwjenjach młodych hudźbnikow w minjenych měsacach rozmołwjał.

Na kotre wašnje was sćelak MDR Jump dokładnje podpěruje?