Nabožny tydźeń za dźěći tež lětsa woblubowany poskitk w prózdninach

Łužica (MaM/jp/SN). Wjele dźěći zetkawa so w tutym prěnim prózdninskim, tydźenju w serbskich wosadach, zo bychu wo Bohu rěčeli a so zhromadnje modlili. W pjeć dnjach nabožneho prózdninskeho tydźenja zhonja dźěći pozadki wo pochadźe psalmow a na kotre wosebite wašnje so tute modliš. Tohorunja wuknu, kak sej psalmy na kreatiwne a zabawjace wašnje wotkrywaja, zrozumja a do swójskeje žiwjenskeje situacije přenjesu. Za to steji stajnje hinaše začuće w srjedźišću. Póndźelu rěčachu wo situaciji, hdyž wutroba pukota a wutoru su wo wutrobje rěčeli, kotraž so směje. Dźěćom ma so wuwědomić, zo ma kóžde začuće městno we wutrobje. Psalmy su při tym dobry přewodźer. Wone přez wšědny dźeń hłubšu zwjazanosć z Bohom a swójskimi začućemi stworja.