Marko Šiman 70 – wjele ludźi so serbskemu zapósłancej dźakowało

Budyšin (SN/mb). Wot popołdnja do wječora su wčera ludźo do sportoweho kompleksa w Humboldtowym haju přichwatali, zo bychu Markej Šimanej k sydomdźesaćinam gratulowali. Šiman je jenički zapósłanc Sakskeho krajneho sejma, kotryž parlamentej wot spočatka w lěće 1990 přisłuša. Wón je mjeztym tež jenički serbski čłon sejma. W prěnich krajnych wólbach po měrliwej rewoluciji bu samo pjeć Serbow do parlamenta w Drježdźanach wolenych.