ST 1922 Radwor – Sokoł Ralbicy/Hórki 1:2 (0:1)
Zestawa domjacych: Jendrewski – Bauer, Šěrak, Zähr, Nuk, Schulze, Glücklich, Kral (67. Rachela), Mark (70. Ali), Omran, Amar (75. Hettasch)
zestawa hosći: Schöne – M. Matka (75. G. Kurjat), Ch. Matka (83. Budar), Rawš, Schultz, Šewc, Šołta, Korjeńk, Bjeńš, Bejma, M. Kurjat (66. Domaška)
Wuměnjenja za třeći serbski derby w stawiznach wobeju mustwow njemóhli rozdźělniše być. Radworscy koparjo steja z čerwjenej latarnčku cyle na kóncu tabulki, Ralbičanscy na pjatym městnje móža ze swojim startom porno tomu cyle spokojom być. Něhdźe 130 přihladowarjow je při rjanym słónčnym wjedrje do Radworja přichwatało.