ST Porchow
– Sokoł Ralbicy/Hórki 1:0 (0:0)
Zestawa hosći: Schöne – Budar, Schultz, Bogusz, Materna, Šołta, Šewc, M. Kurjat, Matka, Domaška, G. Kurjat
Koparjo Sokoła Ralbicy/Hórki móža we wokrjesnej wyšej lize poprawom kóžde mustwo porazyć! Nažel pak pokazuja přećiwo po zdaću słabšim mustwam w nětčišej sezonje nimale stajnje słaby wukon. Přećiwo Połčnicy a Bukecam sydaštej hižo bolostnej poražce, wčera w Porchowje je tajka k tomu přišła. Přećiwo předposlednjemu tabulki pobrachowachu trenarjej Chrystofej Gloxynej někotři stajni hrajerjo, tak zo wupomha Syman Bogusz w defensiwje. Hewak rodźeny Chróšćan w Lipsku za bulom honi.
