Prěni raz po wjacorych měsacach wotmě so wčera posedźenje Rady za serbske naležnosće Sakskeje z wobdźělenjom zapósłancow wjacorych frakcijow w rumnosćach krajneho sejma. Radźićeljo zaběrachu so mjez druhim ze sakskim etatom 2021/2022 ze serbskeje perspektiwy, z aktualnym stawom nastupajo strukturne srědki za serbske projekty a z dalewuwićom widźomneje dwurěčnosće w zjawnosći.