Zwada mjez Waršawu a Brüsselom so tež werbalnje dale přiwótřa
Waršawa (dpa/SN). W zwadźe wo prawostatnosć Pólskeje je pólski ministerski prezident Mateusz Morawiecki Europsku uniju před tym warnował, přilubjene pjenjezy za jeho kraj blokować a rěčeše w tym zwisku wo „Třećej swětowej wójnje“. „Hdyž woni Trěću swětowu wójnu zahaja, so ze wšěmi nam k dispoziciji stejacym srědkami zakitujemy“, rjekny Morawiecki britiskej nowinje Financial Times. Wón zdobom njewuzamkny, zo Waršawa potom wažne předewzaća EU blokuje, kaž klimowy paket.
