Napjata a zajimawa diskusija mjez wobydlerjemi a wědomostnikami

Konjecy (JK/SN). Delany móhli so w přichodnych lětach stać ze srjedźišćom slědźenja na polu astrofyziki. Wo šansach, ale tež wo wobmyslenjach wobydlerjow k planowanemu astrofyziskej slědźenskej připrawje z tak mjenowanym Einsteinowym teleskopom diskutowachu wčera na dworje towarstwoweho domu „Delany“ w Konjecach wědomostnicy, fachowcy z hospodarstwa a zarjadnistwa, komunalni politikarjo a wobydlerjo. Přeprosyli běchu k tomu wědomostnicy němskeho centruma za astrofyziku (DZA), kotřiž hižo wot měrca probowe točenja za planowany projekt njedaloko Konjec přewjednja.