FC Energija Choćebuz –

TSV Havelse 4:3 (2:1)

Zestawa Energije Choćebuz: Funk – Rorig, Manu, Campulka, Borgmann, Pelivan – Michelbrink (87. Lucoqui), Ciğerci, Boziaris (69. Moustfa), Thiele (69. Butler), Engelhardt (77. Hannemann)

wrota: 1:0 Boziaris (24.), 2:0 Engelhardt (34.), 2:1 Müller (39.), 3:1 Boziaris (60.), 3:2 Paldino (71.), 4:2 Ciğerci (90.+6), 4:3 Paldino (90.+7)

Defensiwni hrajerjo FC Energije Choćebuza mějachu so po wothwizdanju zabawnych 98 mjeńšinow pola hrajerjow ofensiwy podźakować. Tuta bě wjetšinu wuhratych šansow wužiła a štyri wrota docpěła­. Z tym zawěsćichu sej pjate dobyće za sobu. To je zdobom rekord w třećej lize. Dwoje rjane wrota w startowej fazy šěrještej nadźiju na wočakowane wysoke dobyće přećiwo postupnikej do třećeje ligi. Tola hosćo zamóchu přeco konterwać. K tomu polěkowachu wězo tež wotwobaranske zmylki faworita.