Ze swójskim dorostom, mjenujcy z młodźećom swójskeje kobły, Valdinijom4, prezentuje so Křesćan Zahrodnik tutón kónc tydźenja na wulkim mjezynarodnym parkeće w mnohostronskim jěchanju. Runja Pětrej Bobce njeje so tež Zahrodnik prěni raz we Warendorfje wobdźělił. „Běch tu hižo z našimaj konjomaj Veritasom a Namibiu, jako běštej hišće młodej. To je woprawdźe přeco zaso něšto wosebiteho, so tule před telko ludźimi wubědźować a swoje konje předstajić směć“, tak Křesćan Zahrodnik.