Sport (21.10.16)
Jěchanski turněr w Jěžowje
Na Grofic jěchanskim dworje w Jěžowje maja wot dźensa do njedźele jěchanski a skakanski turněr za nowačkow a wólnočasnych jěcharjow. Jutře steji wot 8 hodź. do 18 hodź. dresura w srjedźišću, njedźelu změja za skakanje sydom wšelakich parcoursow spřihotowane.
Volleyball w Ralbicach
Worklečanske volleyballistki a volleyballisća su jutře, sobotu, cyły dźeń w Ralbičanskej ćěłozwučowarni. Wot 10 hodź. hraja Worklečanki we wobwodnej klasy přećiwo holcam VV Žitawy 09 III a volleyballistam z Hamora/Běłeje Wody. Wot 14 hodź. su Ralbičansku sportowu halu Worklečanscy volleyballisća knihowali. Načolnik wobwodneje ligi wočakuje OSC Lubij a VfB Zhorjelc.
Sakska přećiwo Pruskej
Wutoru, 15. nowembra, wuhrajetej Pěskečanska a Sulšečanska młodźina koparski duel „Sakska přećiwo Pruskej“. Hrać budźe so w Pěskecach, a to wot 18.30 hodź. pod swětłomjetakami.
Počuchać a šach hrać
We wobłuku KOMM-PROJEKTA zarjaduje Sportowy zwjazk Budyšin 22. oktobra w Budyšinje w Kamjentnym domje wot 9 do 12 hodź. móžnosć, so w sportowej družinje šach wuspytać.
Prěnja domjaca hra w nowej sezonje
Po zhromadnym treningowym lěhwje w Grünheide je tež za volleyballistki prěnjeho mustwa Marijinych hwězdźičkow sezona we wobwodnej lize zaběžała.
Tak su Pančanki hižo prěnju hru w Zhorjelcu absolwowali. Nažel pak nic z wočakowanym wuslědkom. Spočatk septembra podležachu chowanče trenarja Ralfa Wachsmanna z 2:3. Hwězdźički njejsu prawy zazběh namakali, štož zaleži zawěsće na trochu změnjenym mustwje. Tak stej dwě hrajerce nowej a dwě stej so do přestawki rozžohnowałoj. Jedna strowotnych přičin a druha maćerneho dowola dla. Tež Leńka Bartec njesłuša hižo k mustwu. Wona přewjedźe tučasnje swobodne lěto w Saksko-Anhaltskej. Nowa to situacija za hwězdźički. Móžeće sej sami wobraz činić, kak woni to zmištruja. Na prěnim domjacym hrajnym dnju 22. oktobra wočakuja Marijine hwězdźički wot 14 hodź. nowopřichad Koblicy a wot 16 hodź. hraja přećiwo tučasnemu načolnikej tabulki z Chróstawy. Wšitcy su sobotu wutrobnje do Pančanskeje sportownje witani. Halena Jancyna
Dypk w pinčnym duelu
LSV Nowe Město nad Sprjewju
– Sokoł Ralbicy/Hórki II 1:1 (0:0)
Zestawa hosći: Cyž – Serbin (60. J. Matka), Bogusz, T. Matka, Kobalc, Šnajder, Čórlich (69. M. Matka), Materna, G. Kurjat, Jakubaš, M. Kurjat (84. Šmit)
Na žadyn pad přěhrać, rěkaše dewiza Sokoła Ralbicy/Hórki w Nowym Měsće nad Sprjewju. Po prěnim dobyću tydźenja doma přećiwo cyłkej z Blunja chcychu na hrajny wukon nawjazać, byrnjež prawy centralny motor w srjedźnym polu pobrachowaše. Najlěpšu móžnosć k nawjedowanju měješe kaž před tydźenjom młody Gabriel Čórlich. Domjacy bul w hrajnym natwarje zhubichu, ale nažel sadźi wón hrajny nastroj na žerdź. Pola Noweho Města skedźbni Martin Fallant z rjanej třělwu na so. Wjace naspomnjenja hódneho so njesta. Wobě mustwje so neutralizowaštej a škitaj steještej dosć wěsće.
Wuslědki (20.10.16)
Wokrjesna koparska wyša liga
ST Ćisk – FV Ottendorf-Okrilla 5:0 (3:0)
TSV Połčnica – Motor Kumwałd 1:2 (1:2)
Großröhrsdorf – Ralbicy/Hórki 1:1 (0:0)
Kulow – Hnašecy-Dobruša 1:2 (0:0)
ST Wjelećin – Póst Budyšin 2:6 (2:2)
1. ST Ćisk 9 29 : 3 24
2. Rakečanske ST 9 24 : 12 20
3. Motor Kumwałd 9 17 : 15 16
4. ST Kinspork/Łužnica 9 21 : 14 15
5. ST Hnašecy-Dobruša 9 17 : 17 15
6. Sokoł Ralbicy/Hórki 9 21 : 12 14
7. SC Großröhrsdorf 9 9 : 6 14
8. Póst Germania Budyšin 9 16 : 17 14
9. Módro-běli Kulow 9 19 : 15 12
10. LSV Hory 9 26 : 17 11
11. Wojerowski FC 9 17 : 20 11
12. Drohotka Ramnow 9 14 : 17 9
13. Zeleno-běli Bukecy 9 17 : 34 8
14. TSV Połčnica 8 12 : 19 6
15. FV Ottendorf-Okrilla 9 12 : 29 6
16. ST Wjelećin 8 12 : 36 2
wokrjesna liga, stafla I
1. ST Horni kraj-Sprje. II 9 37 : 10 22
2. Traktor Malešecy 9 27 : 10 20
3. TSV Wjernarjecy 9 25 : 15 19
4. FV Concordia Załom 9 35 : 15 18
5. ST Porchow 8 13 : 8 15
6. HZ Wulka Du./Minakał 9 20 : 21 15
7. ST Budyšin 9 17 : 11 12
8. Germania Budyšin II 9 21 : 25 11
Skónčnje tři dypki
SJ Njebjelčicy
– Zeleno-běli Sepicy 2:1 (1:0)
Zestawa domjacych: Hahn – Pawlik, Hommel, Haška, Šołta, Hanuza, Cyž, Hrjehor, Lejnart (62. Hoelzel), Korjeńk (78. Kral), Čornak (89. Zeller)
Trochu zbožownje a nic runjewon zasłužbnje nawjedowaše k přestawce cyłk trenarskeje dwójki Detlefa Panica/Handrija Krawčika z 1:0. W 37. min. bě hóstny wrotar w šěsnatce Njebjelčan nadběhowarja Handrija Korjeńka potorhnył a čerwjenu kartu dóstał. Postajenu jědnatku přetwori Rony Hanuza wěsće. Do toho pak so Njebjelčanam ničo naspomnjenja hódneho poradźiło njebě. Po nawjedowanju přez jědnatku so hrajerjo wokoło kapitana Tadeja Cyža stabilizowachu.
Zasłužene domjace dobyće
ST Marijina hwězda
– ST Natwar Němske Pazlicy 2:1 (0:1)
Zestawa domjacych: Matik – C. Škoda (46. Smoła), Rab, T. Jurš, Lipič, Njek, Bělk, Hawš, Schmidt, D. Jurš, Peschmann (86. Wagner)
Při najrjeńšim nazymskim wjedrje nastupichu chowancy trenarja Tobiasa Škody přećiwo susodam z Němskich Pazlic. Znowa pobrachowaše sep stajnych hrajerjow a Clemens Škoda swjećeše swój debit. Hra wotmě so na twjerdym hrajnišću. We 28. min. njemóžachu Pančanscy škitarjo bul prawje wujasnić a Dennis Garbe třěli ze zdalenosće 16 metrow 0:1. Mjeńšinje pozdźišo wuznamjeni so wrotar Dawid Matik, jako wón dalšim wrotam z wulkotnej paradu zadźěwa. Z lochkim plusom na šansach a zastatkom 0:1 poda so hosćićel do kabiny.
Wuslědki (19.10.16)
Wokrjesna koparska liga, stafla III
Njebjelčicy – Sepicy2:1 (1:0)
Mar. hwězda – Němske Pazlicy 2:1 (0:1)
1. SG Großnaundorf 9 34 : 12 20
2. TSV Wachau 9 31 : 16 17
3. Natwar Němske Pazlicy 9 24 : 14 17
4. SG Frankenthal 9 22 : 15 17
5. SJ Njebjelčicy 9 16 : 11 17
6. Arnsdorfske KT 9 16 : 12 15
7. SC Großröhrsdorf II 9 19 : 17 12
8. ST Marijina hwězda 9 13 : 15 12
9. Zeleno-běli Sepicy 9 26 : 23 11
10. SV Haselbachtal 9 11 : 14 10
11. SV Hermsdorf 9 12 : 22 7
12. SZ Wóslink/Skaskow 9 12 : 31 7
Worklečanske volleyballistki přihotuja so tuchwilu na prěni domjacy ...
Remis w poslednich mjeńšinach
SC 1911 Großröhrsdorf
– Sokoł Ralbicy/Hórki 1:1 (0:0)
Zestawa hosći: J. Bjeńš – Matka, B. Bjeńš, Schultz, Rawš, Šewc, S. Bjeńš, T. Bejma, Wowčerk, Korjeńk, Domaška
Sokoljo nastupichu w Großröhrsdorfje z jenož jědnaćomi, dokelž bě mnoho hrajerjow wotprajiło. Wot prěnjeje hač do poslednjeje mjeńšiny wuwi so powšitkownje hra mjez šěsnatkomaj z jara mało šansami za wobě mustwje. Domjacy mějachu spěšnej nadběhowarjej, z kotrymajž pak njeměješe škit Sokoła scyła žane ćeže. Tuž njemějachu hrajerjo z Großröhrsdorfa ani jeničku móžnosć na wrota. Na tamnym boku wuspyta so Pětr Domaška hnydom trójce, třělwy pak wrota njedocpěchu. Najwjetša móžnosć skićeše so krótko do połčasa Tomašej Bejmje. Na lěwym křidle wuhra wón wuspěšnje swojeho přećiwnika. Pospyt pak bě přesłaby, tak zo njeměješe přećiwniski wrotar žane problemy.
Wulki bój a přeswědčacy tiebreak
TSV Kundraćicy – Viktoria Worklecy 92 2:3 (25:19, 20:25, 25:22, 28:30, 4:15)
Ze sněhběłym lacom třoch dobyćow podachu so volleyballisća Viktorije Worklecy do Kundraćic (Kunnersdorf). Hižo w prěnjej hrě dnja bě hosćićel MSV Budyšin z 3:1 přewinył. Serbskemu cyłkej pobrachowaštaj libero a jedyn wonkowny nadběhowar. Prěnju sadźbu dobychu Kundraćicy chětro jasnje. Zawěsće běchu na poměrnje nisku halu a w njej knježace tropiske temperatury lěpje nastajeni. Wosebje w přijimanju mějachu hosćo wulke ćeže. Hakle zaměnjeny rutinjej Clemens Eckert přinjese wjace wěstoty do akcijow. Prěnja sadźba pak njehodźeše so hižo zwjertnyć.
W druhim přechodźe pak so hosćo namakachu a móžachu jasne znamjenja sadźeć. Wosebje kwota wuspěšnych nadawkow a prima nadběhi starachu so wo dobyće 20:25 a sadźbowe wurunanje. Mustwo z Kundraćic pak wopokaza so jako twjerdy worjech a doby dalšu sadźbu z 25:22. Při stawje 19:22 mějachu Worklečenjo sadźbowe wurunanje před nosom, Kundraćicy pak k 23:23 wurunachu. Štož nětko sćěhowaše, njebě ničo za słabe čuwy. Worklečenjo wuhrachu sej pjeć sadźbowych bulow. Hakle při stawje 28:30 bě sadźbowy remis w měše.
