Energija profija angažowała
W poslednich hodźinach do zakónčenja transferoweho časa je třeći ligist FC Energija Choćebuz na wikach požadaneho hrajerja přiwabił. Towarstwo zawjaza Tolgu Ciğercija. Jeho bratr Tolcay hraje hižo wot lěća 2024 pola FC Energije.
Tolga Ciğerci bě poł lěta bjez zjednoćenstwa a bě so loni nazymu wjacore tydźenje na treningu FC Energije fit dźeržał. Kaž jeho bratr bě so Tolga w Nordenhamje narodźił. Pola Herthy BSC hraješe jako dźěćo a młodostny we wšěch dorostowych mustwach sobu. Za Berlinske towarstwo steješe 70 króć w zwjazkowej lize na hrajnišću, doniž jeho 2016 do Turkowskeje njećehnješe. Tam hraješe na přikład pola Galatasaray a Fenerbahce Istanbul. Cyłkownje bu dźensa 33lětny 173 króć w turkowskej lize zasadźeny. K tomu přińdu štyri hry w narodnym mustwje Turkowskeje. FC Energija nadźija so na wjace stability w škiće. Tolga móže w nutřkownym škiće hrać, nimo toho drje je predestinowany za poziciju tak mjenowaneje „šestki“ před škitnym rjećazom.
Njedźelu w domjacej hrě přećiwo mustwu Waldhof Mannheim jeho po wšěm zdaću prěni raz zasadźa. Georg Zielonkowski
Wuslědki (10.02.26)
Regionalna liga muži
Lok Lipsk – Hertha 03 Zehlendorf wupad
Hertha BSC II – Greifswaldski KK wupad
Magdeburg II – Kamjenicy 0:1 (0:1)
Altglienicke Berlin – FC Eilenburg wupad
BFC Preussen – FSV Luckenwalde wupad
1. Lok Lipsk 19 41 : 14 46
2. FC Carl Zeiss Jena 19 38 : 18 41
3. FC Čerwjeno-běli Erfurt 20 36 : 25 37
4. FSV Šwikawa 19 30 : 20 35
4. Halleski FC 20 30 : 20 35
6. VSG Altglienicke Berlin 19 30 : 20 34
7. Kamjeničanski FC 20 28 : 29 28
8. 1. FC Magdeburg II 20 33 : 29 26
9. BFC Preussen 17 25 : 23 26
10. FSV 63 Luckenwalde 18 23 : 25 26
11. Hertha BSC II 19 27 : 39 21
12. SV Babelsberg 03 19 28 : 33 20
13. ZFC Meuselwitz 18 22 : 30 19
14. Greifswaldski KK 19 21 : 29 19
15. BFC Dynamo 18 20 : 30 17
16. BSG Chemija Lipsk 18 16 : 27 13
17. FC Eilenburg 19 17 : 35 12
18. Hertha 03 Zehlendorf 17 14 : 33 8
Zaso jenož remis
FC Ingolstadt –
FC Energija Choćebuz 0:0
FC Energija Choćbuz: Funk – Rorig, Awortwie-Grant, Manu, Guwara (55. Butler), Michelbrink, Pelivan, Borgmann, Hannemann (82. Moustfa), Engelhardt, Ciğerci
Kaž hižo w prěnjej połseriji dźěleštej sej FC Ingolstadt a FC Energija Choćebuz dypkaj. Mjeztym zo so trenar FCE Claus-Dieter Wollitz přez wuwostajene šansy w druhim połčasu mjerzaše, rěčeše trenarka hosćićela Sabrina Wittmann wo korektnym rezultaće.
Widźał,słyšał, napisał (09.02.26)
Awtor dźensa
Halena Jancyna
Worklečenjo druhe městno wuspěšnje zakitowali
Póst Drježdźany –
Viktoria Worklecy 2:3
(14:25, 25:19, 23:25, 25:21, 13:15)
Tydźenja sobotu bě so prěnje mustwo muži sportoweho towarstwa Viktorije Worklecy na wolejbulowu dypkowu hru přećiwo Póstej Drježdźanam do sakskeje stolicy podało. Worklečenjo domjacych wot wšeho spočatka pod ćišć sadźachu a so po dypkach spěšnje wotsalichu. Prjed hač Drježdźanscy pytnychu, zo je so hra započinała, bě prěnja sadźba hižo 25:14 za młode mustwo z Worklec dobyta.
Pak bě to přelochka prěnja sadźba, pak pobrachowaca nazhonitosć hosćićelskeho cyłka, kotraž k tomu dowjedźe, zo steješe serbske mustwo w přichodnej sadźbje kaž wuměnjene na polu. Wot dobrych akcijow njebě hižo wjele widźeć. Na tamnym boku saka staraštaj so stajer a wulki diagonalny nadběhowar wo ćišć. Poněčim wuwi so wurunana hra. Wobě mustwje sylnje nadběhowaštej a wulkotnje wotwobaraštej, ale woraštej tež kopicu zmylkow. Z tym so sebjewědomje Worklečanow zhubi. Sadźba skónči ze zasłuženym dobyćom 19:25 za domjacych.
Wuslědki (09.02.26)
Kopańca, 3. liga
1. FC Energija Choćebuz 23 48 : 36 44
2. MSV Duisburg 23 42 : 25 43
3. VfL Osnabrück 23 33 : 22 42
4. SC Verl 23 56 : 34 41
5. Čerwjeno-běli Essen 23 45 : 36 40
6. Hansa Rostock 23 39 : 25 39
7. Wehen Wiesbaden 23 31 : 25 38
8. Waldhof Mannheim 23 39 : 42 35
9. TSV 1860 Mnichow 23 34 : 35 33
10. FC Ingolstadt 04 23 40 : 31 32
11. TSG Hoffenheim II 23 45 : 39 32
12. VfB Stuttgart II 23 29 : 37 32
13. Viktoria Köln 23 31 : 30 31
14. Jahn Regensburg 23 29 : 34 28
15. TSV Alemannia Aachen 23 36 : 44 26
16. 1. FC Saarbrücken 23 30 : 35 24
17. FC Rudne horiny Aue 23 25 : 36 23
18. SSV Ulm 1846 23 31 : 47 22
19. TSV Havelse 23 33 : 47 19
20. 1. FC Schweinfurt 23 19 : 55 9
Sport (06.02.26)
Testowe koparske hry
Někotre přihotowanske koparske hry pod hołym njebjom su hižo wotprajene, někotre steja hišće w hrajnych planach. Snano hodźa so jutře a zajutřišim na kumštnych trawnikach w Kamjencu, Halštrowje a Radebergu přihotowanske hry přewjesć. Dypkowa koparska hra Budissa Budyšin – VfL Halle 96 bu hižo srjedź tydźenja wotprajena.
07.02. 16:00 Módro-běli Kulow –
ST Lubuš (w Kamjencu)
08.02. 13:00 SJ Chrósćicy –
Biskopičanske KT 08 II
(w Halštrowje)
08.02. 14:00 Sokoł Ralbicy/Hórki –
ST Porchow
(w Radebergu)
Dumpery startuja w meji
Tež dumpersportowcy lětsa zaso wo dypki wojuja. Zazběh Němskeho dumperoweho mišterstwa (DDM) změja woni kónc meje w Adelsdorfje. Běhaj w Baćonju a Hórkach přewjedźetej so srjedź julija a spočatk awgusta.
30.05. 14:00 Adelsdorf
13.06. 14:00 Bad Freienwalde
12.07. 14:00 Baćoń
02.08. 14:00 Hórki
05.09. 14:00 Ramnow
Zahajenje sezony konjaceho sporta
Liški derby wurjadnje dobyli
EV Landshut – Łužiske lodohokejowe liški 2:1 (0:1, 2:0, 0:0)
Łužiske liški přěhrachu pjatk pola EV Landshut snadnje 1:2. Běłowodźenjo startowachu z tójšto ćišćom a mějachu zahe dobre šansy. Adam Brady zwrěšći po třoch mjeńšinach na Landshutskim wrotarju. Na napřećiwnej stronje Pascal Seidel z pomocu žerdźe zastatkej zadźěwa. W 6. min. trjechi Georgiy Saakyan po konteru k 1:0 nawjedowanju za Łužičanow. Pascal Seidel parěrowaše po tym mjez druhim sylnje přećiwo Trevorej Goochej. Alexander Dosch skomdźi w 15. min. na 2:0 zwyšić.
W druhej třećinje wosta Běła Woda najprjedy hru postajowace mustwo. Tola w 36. min. David Elsner w dwójnej nadličbje k 1:1 wuruna. Jenož mjeńšinu pozdźišo trjechi Trevor Gooch znowa po chłostanju přećiwo Liškam k 2:1 za Landshut.
W kónčnej třećinje zwrěšćištaj Lane Scheidl a Clarke Breitkreuz na wrotarju a wurunanju. Liški ćišć zwyšichu, wostachu pak před wrotami bjez wuspěcha. Dalše wrota njepadnychu, tak zo wosta při poražce 1:2 za Běłowodźanow.
Łužiske lodohokejowe liški – Lodowe piraty Crimmitschau 6:2 (2:1, 1:0, 3:1)
Znowa bjezporočny hrajny dźeń za wolejbulistow Viktorije Worklecy
Najebać lodowu zymu bě šwarna syła wulkich a małych Worklečanskich fanow puć do sportownje Wojerowskeho Lessingoweho gymnazija namakała, zo by swoje mužace mustwo Viktorije Worklecy III na 5. hrajnym dnju wolejbuloweje wokrjesneje klasy stafla sewjer podpěrała. A woni njebuchu přesłapjeni. Drje mějachu Viktorianorojo jenož mały kader k dispoziciji, tole pak z wysokej zasadźenskej hotowosću wurunachu. A Marko Njek bě tak prěni raz w „starting-six“ zasadźeny.
ST Viktoria Worklecy III – VF Módro-běli Wojerecy III 2:0 (25:16, 25:9)
Na spočatku partije přećiwo rutinjejam VF BW Wojerecy III tčeše wšitkim hrajerjam hišće zyma w porstach. Tež na tepjenju dyrbi so tu a tam wočiwidnje lutować. Tak njeporadźichu so najprjedy někotre přiwzaća, tola z přiběracym časom hry buchu hrajne ćahi stabilniše a tłóčaca přewaha Worklečanow widźomna. Hrajne ćahi wotběžachu kaž na šachowej desce a wšitcy nadběhowarjo móžachu so pola přistajerja Marcela Rjelki za precizne přihraća podźakować. 25:16 rěkaše jasny rezultat k změnje stronow.
