Sport (14.10.16)
Běh přez zadźěwki
W kooperaciji ze sportowym towarstwom Biskopicy wuhotuje firma Baer-Service jutře sportowe zarjadowanje. Běhać ma so w sportowym parku Wesenitz přez 19 zadźěwkow. Dotal je so wjace hač 260 sportowčow a sportowcow přizjewiło. Wubědźowanje za dźěći započnje so w 14 hodź. Dalšej wurisani za dorosćenych na distancomaj 4 km je 14.10 hodź. a 8 km w 14.20 hodź. Startować budu wobdźělnicy we wotstawkach 10 sekundow. W cilu dóstanje kóžda běharka a kóždy běhar praženu kołbasku a napoj.
Počuchać a šach hrać
We wobłuku KOMM-PROJEKTA zarjaduje Sportowy zwjazk Budyšin 22. oktobra w Kamjentnym domje wot 9 do 12 hodź. móžnosć so w sportowej družinje šach wuspytać.
Volleyball w Radworju
Radworscy wólnočasni volleyballisća wuhraja 18. oktobra, wot 18.30 hodź. interny volleyballowy turněr za prošene mustwa. Přihladowarjo su lubje witani.
Kónctydźenska kopańca
15.10. 15:00 Nowe Město n. Sprjewju
– SJ Chrósćicy
15.10. 15:00 SC Großröhrsdorf
– Sokoł Ralbicy/Hórki
15.10. 15:00 Njeswačidło – ST Radwor
16.10. 15:00 SJ Njebjelčicy – Sepicy
16.10. 15:00 ST Marijina hwězda
– Natw. Němske Pazlicy
Blidotenisowe dypkowe hry
15.10. 17:00 Worklecy – MSV Budyšin II
Z połnej paru k načolnikej
Swój prěni „domjacy“ hrajny dźeń hrajneje doby 2016/2017 we wobwodnej lize mějachu Worklečanscy volleyballisća w Ralbicach, dokelž Worklečansku sportowu halu tuchwilu saněruja. Wulki dźak słuša na tutym městnje zamołwitym gmejny Ralbicy-Róžant a angažowanemu domownikej Tomašej Lanzy, kotryž staraše so wo perfektny wotběh. Wutrobny dźak tež Worklečanskim volleyballistkam za zastaranje sportowcow a hosći.
ST Viktorija Worklecy
– ST 90 Traktor Mittelherwigsdorf 3:0 (25:19, 25:18, 25:10)
Blidotenisowej tabulce
1. wobwodna liga
Póst Zhorjelc – Viktorija Worklecy 11:4
1 . Póst Zhorjelc 4 36:26 6:2
2. MSV Budyšin 04 II 4 36:25 5:3
3. TSV Wósp./Hrodźišćo 2 24:6 4:0
4. MSV Budyšin 04 III 3 27:18 4:2
5. Viktorija Worklecy 3 24:21 4:2
6. ST Horken Ketlicy 3 24:24 3:3
7. SZ Wětnica/Hola 2 14:17 1:3
8. Póst Zhorjelc II 4 19:42 1:7
9. TTC Nowosólc Hrodk 1 4:11 0:2
10. ST Kubšicy 2 6:24 0:4
1. wokrjesna liga
Konjecy – SZ Großröhrsdorf 9:7
1. SZ Turbina Łuty 4 39:22 7:1
2. DJK Konjecy 3 28:19 6:0
3. TTV 97 Kamjenc 3 27:20 5:1
4. TuS Ger.-Möhrsdorf II 4 32:29 4:4
5. SZ MB Njeswačidło 3 24:22 3:3
6. SZ Großröhrsdorf 4 31:32 3:5
7. SZ Wallroda 2 1 2:18 2:2
8. TTV SR Wojerecy 3 23:23 2:4
9. Rakečanske ST 4 23:38 2:6
10. TTC Wojerecy III 4 22:38 0:8
Jurij Bjeńš
Prěnje tři dypki na konće
Sokoł Ralbicy/Hórki II
– LSV Bluń 5:1 (1:0)
Zestawa domjacych: Cyž – Brězan (18. Serbin), Bogusz, T. Matka, Kobalc, Čórlich, Młynk, Materna, G. Kurjat, Jakubaš (83. Šmit), M. Kurjat (85. Mět)
Po wočiwidnym stopnjowanju tydźenja we Wojerecach chcychu Ralbičenjo skónčnje prěnje tři dypki. Personalna situacija so porno zašłej hrě trochu polěpši. Nimo toho přidruži so z Gabrielom Kurjatom hrajer, kiž wě, hdźe klětka steji. Start do partije běše wuběrny. Gabriel Čórlich zaběža z bulom do šěsnatki a Ralbičenjo hižo w 5. min. nawjedowachu. W dalšim hrajnym času so wjele njesta. Ralbičenjo zakitowachu mudrje a hosćo njemějachu žane ideje w hrajnym natwarje.
Tójšto dźěła za dobyće
ST Radwor
– FSV Łuty 2:1 (2:0)
Zestawa domjacych: C. Šěrak – Henka, F. Šěrak, Zähr, Schulze, Bejmak, von Karwin, Mark (57. Omran), Zimmermann, Buša (82. Kral), Šram
Wjele dźěła bě w hrě přećiwo FSV Łutam trěbne, zo bychu wšitke dypki w Radworju wostali. W 4. min. mějachu hosćo prěnju móžnosć. Bul pak wrota snadnje misny. Hnydom po tym dźěše třělwa Johannesa Zähra snadnje nimo praweje žerdźe. Tež Tom Schulze a Křesćan Bejmak wrota wo centimetry misnyštaj. Po rjanej přihrawce Bejmaka njeměješe tež Philipp Mark trěbne zbožo. Jeho trělwa prasny najprjedy do lěweje a po tym do praweje žerdźe. Nawjedowanje pak zešlachći so Anthonyjej von Karwinej (27.). W prěnim pospyće bu třělwa hišće blokowana, wotskočeny bul pak přetwori. Mjeńšinu pozdźišo zwyši Bejmak po krasnej přihrawce Zimmermanna na 2:0. W prěnim połčasu mějachu hosćo hišće dwě dobrej šansy. Daloka wotfalšowana třělwa dźěše nimo praweje žerdźe a hłójčkowany bul prasny do łaty.
Wuslědki (12.10.16)
Krajna koparska klasa
1. Radebeul 6 13 : 5 15
2. Nowosólc-Hródk 6 14 : 9 13
3. Neugersdorf II 5 20 : 7 12
4. Laubegast 5 12 : 6 10
5. Drježdźanski SC 5 14 : 9 7
6. Mó.-čerwjeni Mužakow 5 10 : 11 7
7. LSV Nowe Město 5 8 : 9 7
8. ST Horni kraj-Sprjewja 6 13 : 17 7
9. ST Trjebin 6 12 : 17 7
10. SG Weixdorf 6 9 : 14 6
11. Zschachwitz 6 12 : 19 6
12. SJ Chrósćicy 6 7 : 15 4
13. Biskopičanske KT II 5 6 : 12 2
Z dźesaćomi sej dypk wuwojowali
ST Zeleno-Běli Sepicy
– ST Marijina hwězda 2:2 (0:0)
Zestawa hosći: O. Schmidt – Wróbl, Rab, Jurš, Lipič, Njek, Bělk, Hawš, P. Schmidt, Čornak (46. Pěčka), Winkler (88. Matik)
Do wonkowneje hry w Sepicach knježeše w rjadach koparjow Marijineje hwězdy prekerna personalna situacija. Trenar Tobias Škoda dyrbješe so dźesać akterow wzdać a sej z hrajerjemi druheho mustwa wupomhać. Ći swoju wěc prima zmištrowachu. Prěnju móžnosć za hosći měješe Marko Njek. Hłójčkowany bul pak wrota misny. Po tym nadźěłachu sej tež hosćićeljo někotre šansy. Při třělwje Marka Abdina pak běše wrotar Oliver Schmidt na městnje a zběhnjeny bul dźěše snadnje nimo žerdźe (17.). Najwjetšu składnosć k nawjedowanju wuwostaji Oskar Hawš wosom mjeńšin do přestawki. Ze zdalenosće pjeć metrow prasny wón bul do nohi přećiwnika, kotryž steješe na wrotowej liniji. Njeleposć sta so krótko do přestawki Maćijej Wróblej. W šěsnatce Sepičanow bě Wotrowčan přećiwnika foulował a za to swoju druhu žołtu kartu dóstał.
Zasłužene dobyće
ST Lubuš
– ST 1922 Radwor 1:3 (1:1)
Zestawa hosći: Wróbl – Zähr (76. Omran), Šěrak, Šram, Wjenka, von Karwin, Zimmermann, Bejmak, Nuk, Schulze (86. Buša), Winar (90. Mark)
Hra bě hakle někotre sekundy stara, hižo ležeše kulowata koža we wrotach Fabiana Wróbla. Domjacy nadběhowar bě so na lěwej stronje předrěł a bul wótrje do šěsnatki hrał. Johannes Zähr hrajny nastroj njezbožownje do swójskeje klětki wotprěči. Nětko trjebachu hosćo najprjedy raz někotre mjeńšiny, zo bychu do hry namakali. Hra wobeju cyłkow runjewon nahladna njebě. Hakle srjedź prěnjeho połčasa dóstachu nadběhi Radworčanow porjadnu strukturu. Daloki wotkop Wróbla zhłójčkowa Franc Winar Tomej Schulzy. We wurjadnej poziciji stejo pak so na mokrym trawniku wobsuny (22.). Tež Winar a Křesćan Bejmak dobre móžnosće wuwostajištaj. Na kóncu prěnjeho połčasa hrajachu jenož hišće hosćo. W 36. min. móžeše Tom Schulze skónčnje wurunać. Wón přetwori z niskej třělwu do delnjeho lěweho kuta. Wuběrnje posłužił bě jeho do toho Winar. Mjeńšinu pozdźišo pruwowaše Daniel Nuk domjaceho wrotarja. Z dobrej paradu pak posledni muž hosćićela zastatkej zadźěwa.
Pokalny nadawk suwerenje spjelnili
Kickers 63 Markkleeberg
– FSV Budissa Budyšin 0:4 (0:1)
Zestawa hosći: Große – Kolan, Patka, Pfanne, Heppner, Hoßmang, Milde (87. Hermann), Šisler (74. Barnickel), Müller (81. Hausdorf), Barth, Salewski
Sobotu hraješe regionalny ligist Budissa Budyšin w krajnym pokalnym kole pola krajneho ligista w Markkleebergu. Rólu faworita hosćo přewzachu a spjelnichu. Wězo je druhdy tak, zo stanu so w pokalnych kołach překwapjenki.
Po přihrawce Daniela Bartha docpě Martin Hoßmang spěšne nawjedowanje (7.). Dalše dobre składnosće pak Budyšenjo njewužichu. Třělwa Maika Salewskeho prasny do łaty (15.) a třělwu Paula Mildy wrotar hosćićela z nohu wotwobara (41.). Tak wosta při snadnym předskoku do přestawki.
Wuslědki (11.10.16)
Wokrjesna koparska liga, stafla II
Łaz/Běły Chołmc – Njeswačidło 2:0 (1:0)
ST Lubuš – ST Radwor 1:3 (1:1)
Wulke Ždźary – Wojerowski FC II 3:1 (1:0)
ST Ćisk II – LSV Hory II 4:1 (2:0)
Ralbicy/Hórki II – LSV Bluń 5:1 (1:0)
1. HZ Wulke Ždźary 8 26 : 13 22
2. ST Ćisk II 8 20 : 7 21
3. ST Radwor 8 26 : 10 19
4. HZ Łaz/Běły Chołmc 8 22 : 10 13
5. Rakečanske ST II 8 13 : 16 13
6. Wojerowski FC II 8 14 : 20 12
7. ST Lubuš 8 13 : 13 11
8. ST Nadrózna Hrabowka 8 14 : 17 10
9. Módro-běli Njeswačidło 8 13 : 13 9
10. LSV Bluń 74 8 13 : 15 8
11. FSV Łuty 8 10 : 12 7
12. LSV Hory II 8 11 : 17 7
13. No. Město n. Sprjewju II 8 6 : 21 6
14. Sokoł Ralbicy/Hórki II 8 10 : 27 3
Wokrjesna liga, stafla I
Germania Budyšin II – Porchow 2:2 (1:2)
Wulka Dub./Minakał – Wjazońca 4:0 (1:0)
TSV Wjernarjecy – ST Wjelećin II 4:3 (4:1)
Budyšin – Postup Großharthau 0:0 (0:0)
1. Horni kraj-Sprjewja II 8 34 : 8 19
2. TSV Wjernarjecy 8 22 : 11 19
3. Traktor Malešecy 8 19 : 9 17
4. Concordia Załom 8 33 : 15 15
5. ST Budyšin 8 15 : 8 12
6. ST Porchow 7 12 : 8 12
7. Wulka Dub./Minakał 8 17 : 19 12
8. Postup Großharthau 8 20 : 17 10
9. Germania Budyšin II 8 17 : 22 8
10. ST Hodźij 04 7 12 : 20 7
11. ST Wjelećin II 8 14 : 30 7
12. TSV Wjazońca 8 11 : 30 7
13. ST Kubšicy 7 7 : 17 6
14. HZ Wóspork/Hbjelsk II 7 8 : 27 1
