Zapadołužiski koparski zwjazk je po lońšej premjerje tež lětsa ...
Z disciplinu wuspěch žnjeli
ST Załom
– ST 1922 Radwor 2:3 (1:1)
Zestawa hosći: Wróbl – Zähr, Grubert, Šěrak, Karwin, Šram, Winar, Buša, Wjeńka, Omran, Müller
Kaž hižo w hrě přećiwo Wósporskim koparjam dyrbješe so hóstny trenar Pětr Bejmak zaso tójšto hrajerjow wzdać. Studenća maja tučasnje pruwowanja a pobrachuja. Krótko do tuteje partije bě so tež hišće Stephan Henke zranił, a problem z ličbu hrajerjow so hišće powjetši. Krótkodobnje pak Jens Grubert a Axel Müller z druheho mustwa wupomhaštaj, tak zo móžachu Radworčenjo z jědnaćomi nastupić. Taktisce nastajichu so woni defensiwnišo a spytachu najprjedy nulu dźeržeć.
Domjacy startowachu jara spěšnje do hry. Přeco zaso dyrbještaj Johannes Zähr a Fabian Šěrak nadběham zadźěwać. Hačrunjež hosćićel hru jasnje postajowaše, njewuhra sej móžnosće, kotrež móhli k wrotam wjesć. W 34. min. potom šok za njeho: Z prěnim dobrym nadběhom docpě ST Radwor 0:1. Nico Buša bě Franca Winarja pósłał. Před wrotami suny Winar bul prěki k sobu běžacemu Abdullahej Omranej, kiž njeměješe žane ćeže, bul z krótkeje distancy do saka třělić. Krótko do přestawki Załomjenjo wurunachu (42.).
Stara garda mocy měriła
Poprawom wobdźěleš so jako starši kopar jenož na jednym halowym turněrje. Hrajerjo Sokoła Ralbicy/Hórki pak sobotu hnydom k dwěmaj turněromaj nastupichu – we Wojerecach a Kulowje. Zo pak so wonej časowje prěkowaštej, njebě zamołwitym zwoprědka jasne.
Dopołdnja w dźesaćich zahaji so halowy koparski turněr, we Wojerecach wuhotowany a zarjadowany wot tamnišeho ST 1919. Pjeć cyłkow tam nastupi. Prěnju partiju Sokoljo přećiwo koparjam z Chuseje (Kausche) 0:1 přěhrachu. Lěpje hraješe so jim přećiwo hosćićelej a faworitej turněra. Maik Brězan docpě nawjedowanje, domjacy pak hišće wurunachu. Tež w hrě z Rakečanami docpěchu Sokoljo jenož remis. Po tym zo běchu w zastatku byli, zwjertnychu hru přez Gregora Obsta a Markusa Žura. Tola w poslednjej minuće přećiwnik wuruna. Po tutej partiji dyrbješe wrotar Roman Mjetaš-Wowčer do Kulowa chwatać, dokelž wubědźowachu so tam wot 13 hodź. wo pokal Kulowskeje piwarnje. Maik Brězan smaleše z awtom do Budyšina na hru prěnjeho mustwa Sokoła. Po poražce 0:1 přećiwo Grodkej a po dobyću 2:0 přećiwo mustwu Lok Wojerecy wobsadźichu Sokoljo pjate městno.
Jasna poražka pola načolnika
ST Wojerecy 1919
– Sokoł Ralbicy/Hórki II 4:1 (0:0)
Zestawa hosći: Cyž – Bogusz, Lulak, Materna, Róbl, Kobalc, Šěn, M. Matka, T. Matka, Čornak, Měškank (57. J. Matka)
Hižo do sezony běše koparske mustwo ST Wojerec 1919 jasny faworit na postup. Tola prawje wotsadźić so dotal njezamó. Nawopak, Rakečanska rezerwa je jemu runohódna.
Trenarja Sokoła Michała Čóšku stej do hry chětro brjuch a hłowa bolałoj. Dósta runje tak jědnaće hrajerjow hromadźe. Někotři běchu chori abo zranjeni, přebywachu w dowolu abo dyrbjachu pjateje žołteje karty dla wusadźić. Tak dyrbješe so Robert Materna z ćahom ze Złeho Komorowa na hru do Wojerec přijěć. Jurij Matka sydny so po dźěle do awta a přidruži so koparjam w běhu hry. Hižo předznamjenja běchu špatne. Hosćo so wězo na škit swójskich wrotow złožowachu, a Wojerowčenjo spytachu nadběhować. To pak so jim docyła njeporadźi a hustodosć so zakopolichu. Tak njepadnychu w prěnim połčasu ani jeničke wrota.
Wuslědki (16.02.16)
Wokrjesna koparska liga, stafla II
Bluń – Rakecy II2:2 (0:2)
Wětnica/Hola – FC Łužica 2:4 (1:2)
Hory II – Ćisk II2:1 (1:1)
Nowe Město II – Njeswačidło 6:1 (3:0)
Nadr. Hrabowka – Hórnikecy 2:3 (2:0)
Wojerecy 1919 – Ralbicy/Hórki II 4:1 (0:0)
1. Wojerecy 1919 15 42 : 14 35
2. Rakecy II 15 41 : 10 34
3. Łužica Neugersdorf 15 33 : 16 31
4. HZ Łaz 14 20 : 12 27
5. Nowe Město II 15 58 : 24 26
6. Bluń 15 30 : 26 22
7. Hórnikecy 15 26 : 30 21
8. Nadr. Hrabowka 15 38 : 29 20
9. Hory II 15 27 : 24 20
10. Njeswačidło 15 33 : 35 19
11. Lubuš 14 27 : 34 18
12. Ralbicy/Hórki II 15 29 : 34 16
13. Ćisk II 15 25 : 48 13
14. Wětnica/Hola 15 22 : 55 11
15. Šćeńca 14 23 : 83 4
Domaška bojownisku hru rozsudźił
Póst Germania Budyšin
– Sokoł Ralbicy/Hórki 0:2 (0:0)
Zestawa hosći: Gloxyn – Korjeńk, Schultz, B. Bjeńš, Matka (46. Domaška), Wałda, S. Bjeńš, B. Bejma, T. Bejma, M. Kurjat (65. G. Kurjat), Bejmak
Znowa jenož njerozsudne
SJ Chrósćicy
– Módro-běli Kulow 1:1 (1:0)
Zestawa domjacych: Králíček – Zahrodnik, Cyž, Šiman, Dórnik, Runt, Schulze, Domaška, Dehn (63. D. Bogusz), J. Bogusz (46. Młynk), Žur (80. Kunze)
Zestawa hosći: Kliemank – Pohl, Lohan, Mark, Žur, Popjela (80. Mattick), Thomas, Wittek, Nicolaides, Adamowicz, Grofa
Jako jasny načolnik prěnjeje połserije njejsu koparjo Chróšćanskeje SJ po zymskej přestawce dotal hišće swoju hrajnu nitku namakali. Z třoch hrow jenož dwaj dypkaj z dwojimi wrotami je prosće přemało. Nadźije na dobyće přećiwo Módro-běłym z Kulowa po wulkim boju w Ralbicach běchu znajmjeńša w 1. połčasu spóznajomne, jako poradźi so domjacym w 37. min. přez Felixa Dehna nawjedowanje. Wšitke dalše nadběhi běchu přesłabe, tak zo móžeše Kulowski libero Waldemar Adamowicz z wrotarjom Michaleom Kliemankom wšitke prekerne situacije zmištrować. Wša optiska přewaha bě jenož flop, dokelž z přihrawkami a wobchadom z bulom w rjadach hosćićela jenož tak klacaše – samo, jako jeho hrajerjo swobodnje před Kulowskim wrotarjom stejachu.
Tři dypki sej předewzali a jedyn docpěli
SV Babelsberg 03
– FSV Budissa Budyšin 0:0
Zestawa hosći: J. Jakubov – Kolan, Patka, Pfanne, Čermák, Hausdorf, Reher, Heineccius (75. Rosendo), Kral (90. Heppner), Hansch (68. Salewski), Walther
Hru mjez koparskimaj cyłkomaj z Babelsberga a Budyšina je 1 688 přihladowarjow, mjez nimi tež někotři z Budyšina, minjeny pjatk wječor w Podstupimskim Karla Liebknechtowym stadionje dožiwiło. Tomašej Henčlej, trenarjej Budissy, pobrachowachu zranjenjow a chorosće dla Christoph Klippel, Alexander Jakubov a Felix Kunert, ale tež Thomas Hoßmang, kiž dyrbješe pjateje žołteje karty dla wusadźić. Přiwšěm chcychu koparjo ze sprjewineho města tři dypki docpěć, hosćićel wězo tež. Dotal wšak njebě so jemu hišće poradźiło Budyšanow přewinyć.
W prěnim połčasu měješe Babelsberg lochke lěpšiny a wulkošansu. Ju pak kapitan Martin Kolan na wrotowej liniji wotwobara (17.). Paul-Max Walther, najlěpši třělc Budissy, měješe tři składnosće (18., 31., 43.), ale wosta bjez wuspěcha.
Jasny wuspěch
ST Wóspork/Hrodźišćo
– ST 1922 Radwor 0:3 (0:0)
Zestawa hosći: Wróbl – B. Sćapan, Buša, Henke, Karwinski, Winar, Zähr, Omran, Šěrak, P. Sćapan (65. Šram), Kral
W nachwatanskej hrě přećiwo koparjam z Wósporka dyrbješe so Radworski trenar Pětr Bejmak wjacorych hrajerjow wzdać. Z jědnaćomi přijědźe wón do Wósporka, a woni partiju jasnje postajachu. Ani jónu njetrjebaše wrotar Wróbl třělwu wotwobarać. Přesłabe a přewidne běchu nadběhi domjacych. Radworčenjo sej přećiwo defensiwnje nastajenym hosćićelam móžnosć po móžnosći sćerpnje nadźěłachu. Dobry domjacy wrotar pak přiwšěm tójšto Radworskich składnosćow w poslednim wokomiku znješkódni. Šěrak a Zähr na křidłomaj so přeco zaso přesadźištaj a zmóžništaj tak Omranej a Kralej strašne kopy na wrota. Tež Karwinski so z distancy wuspyta. Jeho třělwa pak wrota snadnje misny.
Widźał, słyšał, napisał (15.02.16)
Awtor dźensa
Stefan Šmit
Bórze, lubi přiwisnicy serbskeje koparskeje wubranki žonow a muži, skónčnje zhonimy, hdy wotměja so hry předkoła europeady w juniju w Italskej. Hakle tydźenja sym z hłownym zamołwitym za turněr narodnych mjeńšin Siegfriedom Stockerom telefonował. Wot njeho chcych doskónčny hrajny plan europeady zhonić. Wón wšak praji, zo běchu tamniši čłonojo přihotowanskeho wuběrka hišće jónu wšitko tam a sem suwali a chcychu plan hač do minjeneho pjatka zestajeny měć. Hłowny zmysł dalšeho předźěłanja bě, zo so hry, kaž na přikład duele našeju serbskeju wubrankow, w samsnym času njepřewjedu. W prěnim naćisku mjenujcy tomu tak bě, zo dyrbještej łužiskej wubrance w předkole w samsnym času nastupić. Tajke dwojenja po słowach Siegfrieda Stockera nětko wjace njebudu.
