Washington (dpa/SN). Prezident USA Donald Trump chce hač do kónca swojeho zastojnstwa za nimale štyri lěta nowy rakety wotwobaracy system po přikładźe israelskeho Iron Dome natwarić. Tole je Trump w Běłym domje we Washingtonje připowědźił. Za financowanje wot Trumpa „Golden Dome“ mjenowaneho projekta zaplanuja spočatnje 25 miliardow dolarow. Cyłkownje ma system 175 miliardow dolarow płaćić.

Cła USA hłowna tema G7

Calgary (dpa/SN). Zwjazkowy financny minister Lars Klingeil zasadźuje so za zhromadny wupuć z mjezynarodnych wikowanskich konfliktow cłowneje politiki USA dla. „Němska poskićuje Američanam ruku“, rjekny politikar SPD po přizemjenju na lětanišću w kanadskim Calgary. Wot prezidenta USA Donalda Trumpa wukazane cła na twory ze wšeho swěta su hłowna tema zetkanja financnych ministrow skupiny G7. Woni schadźuja so wot jutřišeho w měsće Banff.

Awto z ćěłami namakali