Po hodźinje hra rozsudźena była
SJ Chrósćicy
– Drježdźanski SC 0:4 (0:1)
Zestawa domjacych: Králíček – Schulze, Sentivan, Šafář, Šiman (46. Gries), M. Zahrodnik, Domaška, Runt, Dehn (58. Hillmann), Žur (73. Młynk), Věchet
W druhej domjacej hrě nastupichu wčera chowancy Chróšćanskeju koparskeju trenarjow Runta a Latkolika přećiwo tradiciskemu mustwu z Drježdźan. DSC bu po politiskej změnje 1990 znowa załoženy a chcyše na wukony we wójnskim času nawjazać. 1943 a 1944 bu mustwo z Richardom Hoffmannom a Helmutom Schönom, mjenujcy dwójce němski mišter. Byrnjež so to minjene lěta njeporadźiło, dokelž mějachu a maja w Drježdźanach lěpšich Dynamowcow, chcyše DSC nětko pola nowačka a postupnika w serbskim kraju dypkować. Tak potwjerdźi to jeho nowy trenar Stefan Steglich do hry.
Mjezynarodny jěchanski turněr
Ćelčki a dalše insekty wobdźělnikow tónkróć njemjerzali
Přijomne za konjacych sportowcow a wosebje za konje w Hórkach bě, zo so ćelčki a dalše insekty lětsa před dešćom a njepřijomnymi temperaturami chowachu. Turněr běchu zamołwići konjaceho sportoweho towarstwa Při Klóšterskej wodźe Pančicy-Kukow dla nich mjenujcy ekstra na september połožili. Naprawa bě tuž wuspěšna. Škoda pak bě, zo njemóžachu někotři sportowcy – tež domoródni – w Hórkach startować. Sezona so mjenujcy nachila a tójšto koni je po wjacorych wubědźowanjach zranjenych, na přikład Prawočanski Brězanec Major Tom, Bobkec konjej z Miłoćic a Zahrodnikec kobła Namibia, kotraž je hižo wosom tydźenjow bjez wubědźowanja. Chróšćan Křesćan Zahrodnik pak měješe w Hórkach pjatk, sobotu a njedźelu z pjećlětnym Last Lehnbachom a ze šěsćlětnym Mighty Maxom dalšej konjej při starće. „Last Lehnbach bě dwójce třeći, to mje absolutnje spokoja. Mighty Max je prěni raz na mjezynarodnej runinje startował a měješe tu w Hórkach cyle solidne wuslědki“, Zahrodnik wčera popołdnju rjekny.
Połčasaj kaž dźeń a nóc
Hermsdorfske KT
– ST Marijina hwězda 1:1 (0:1)
Zestawa hosći: O. Schmidt – Wróbl, Łušćanski, Škoda, Lipič, Peschmann, Bělk (65. Rab), Jurš (90.+1 Czapik), P. Schmidt, Winkler, Hawš
Přećiwo postupnikej do wokrjesneje ligi chcychu a dyrbjachu koparjo ST Marijineje hwězdy na kóždy pad dobyć. Wot wšeho spočatka bě to na nich tež spóznajomne. Hižo w 9. min. poradźi so jim 0:1. Jurš bě zamjet do šěsnatki ćisnył, Bělk podlěši z hłowu na Łušćanskeho, kiž při dołhej žerdźi bul jenož hišće do Hermsdorfskich wrotow suny. Dalše móžnosće Bělka, Hawša a Peschmanna wostachu bjez wuspěcha, tež wulkošansa Paula Schmidta. Domjacy do přestawki hišće wurunachu, štož pak sudniski kolektiw nimohry dla njepřipózna.
Přećiwnik spěšniši a zymnokrejniši był
ST Ćisk
– Sokoł Ralbicy/Hórki 2:0 (1:0)
Zestawa hosći: C. Gloxyn – Matka (75. Bejma), Schultz, B. Bjeńš, Lulak, Šewc, D. Gloxyn, Korjeńk, S. Bjeńš, Domaška, Kurjat (54. von Köding)
Njedźelu podachu so koparjo Sokoła Ralbicy/Hórki k dotal njeporaženemu načolnikej do Ćiska. Woni běchu sej předewzali so z dypkom dale w prědnim dźělu tabulki zaměstnić. Hosćo dobychu wjacore dwuboje, kotrež pak špatny sudnik přespěšnje wothwizda. Mjerzace běše tež rozdźělenje žołtych kartow. Byrnjež Ćišćenjo přez cyłu hru wjac foulowali, dóstachu woni jeničku žołtu kartu. Sokołam pak pokaza sudnik nimale za kóždu móličku akciju žołty karton. Tak nasta w jich rjadach wěsty njeměr. Šansy njeměještej wobě mustwje w prěnim połčasu žane. W 45. min. pak foulowaše Stefan Bjeńš swojeho přećiwnika při šěsnatce. Wólny kop z 20 metrow kapitan Tony Bach fulminantnje k 1:0 přetwori. Jenož mjeńšinu pozdźišo bu Geso před klětku Sokoła wot Schultza foulowany. Tak dóstachu domjacy woprawnjenu jědnatku. Na zbožo pak Chrystof Gloxyn nisku třělwu Kobera wěsće dźeržeše.
Serbscy jěcharjo wuspěšni
Widźał, słyšał, napisał (19.09.16)
Jako aktiwneho běharja přez wjac hač šěsć lětdźesatkow zajimuje mje wosebje lochkoatletika. A tak sym sej tež we wusyłanjach telewizije wo njedawnych 28. olympiskich lětnich hrach w Rio de Janeiru předewšěm wurisanja w tejle sportowej družinje wobhladał. A tam mje najbóle mjetanje hlebije jima. Hdyž widźu wysoko na njebju lětadło lećeć, kotrež ćehnje za sobu kondensacisku smuhu, da mam stajnje gracilnosć lěta tajkeje hlebije před wočomaj. A z tajkej gracilnosću a jara daloko lećeše na olympiadźe tež hlebija olympiskeho dobyćerja Thomasa Röhlera z Jeny. Po wurjadnych 90,30 metrach zaštapi wona do trawnika. Přewšo sympatiski 24lětny lochkoatlet bě před štwórć lětom tónle nastroj w finskim měsće Turku samo hižo 91,28 metrow daloko ćisnył, štož je rekord lěta.
Wuslědki (19.09.16)
Krajna koparska klasa
Chrósćicy – Drježdźanski SC 0:4 (0:1)
Trjebin – Biskopicy II 5:1 (2:0)
1. Radebeul 4 6 : 3 9
2. Horni kraj Sprjewja 4 9 : 6 7
3. Drježdźanski SC 3 12 : 5 6
4. Neugersdorf II 3 8 : 5 6
4. Laubegast 3 8 : 5 6
6. Trjebin 3 10 : 9 6
7. Zschachwitz 4 8 : 10 6
8. Weixdorf 4 7 : 9 6
9. Mužakow 3 6 : 5 4
10. Nowosólc-Hródk 3 5 : 6 4
11. Nowe Město 3 3 : 5 3
12. Biskopicy II 3 4 : 9 1
13. Chrósćicy 4 4 : 13 0
wokrjesna wyša liga
Módro-běli Kulow – ST Wjelećin 7:2 (3:1)
ST Ćisk – Sokoł Ralbicy/Hórki 2:0 (1:0)
1. ST Ćisk 5 17 : 0 15
2. Wojerowski FC 5 12 : 6 10
3. Rakečanske ST 5 10 : 7 10
4. ST Kinspork/Łužnica 5 10 : 6 9
5. SC Großröhrsdorf 5 4 : 3 8
6. Sokoł Ralbicy/Hórki 5 11 : 8 7
Sport (16.09.16)
Konjacy sport
W Hórkach zarjaduje Konjace sportowe towarstwo při Klóšterskej wodźe Pančicy-Kukow wot dźensnišeho hač do njedźele sakske mišterstwa w mnohostronskim jěchanju. Cyłkownje 17 pruwowanjow w přezpólnym jěchanju, dresurje a skakanju steji we wupisanju. Po dźensnišim prěnim pruwowanju su dalše startowe časy jutře we 8 hodź. dresura, w 12 hodź. přezpólne jěchanje a njedźelu w 12 hodź. skakanje.
Běh wokoło Butroweje hory
24. septembra přewjedźe sportowe towarstwo TV Biskopicy 16. raz běh wokoło Butroweje hory w Biskopicach. W poskitku změja tam najwšelakoriše distancy wot 600 metrow hač do 9,5 kilometrow. Dalše informacije pod www.baer-service.de. Tež přizjewjenja su tam móžne.
Crossowy duatlon
Dwójny dyr Slavova wukon hosći skóncował
Berlinski AK 07
– Budissa Budyšin 4:1 (3:1)
Zestawa hosći: Wohlfeld – Heppner, Pfanne, Patka, Hänsch (46. Kolan), Hoßmang, Müller, Šisler, Milde (79. Barnickel), Němec (60. Hermann), Salewski
Z Berlina běchu so koparjo Budissy w zašłymaj lětomaj stajnje z dypkom wróćili. Tež tónraz bychu woni z jednym ličakom spokojom byli. Započachu tuž koncentrowanje a mějachu hnydom hobersku šansu (4.). Kop Němeca pak prasny do žerdźe. Dźesać mjeńšin pozdźišo pokaza wrotar Wohlfeld swoju klasu, jako třělwu hosćićelskeho hrajerja z wulkotnej paradu znješkódni (14.). Jako pak Slavov za domjacych nawjedowanje docpě (25.), dyrbjachu Budyšenjo reagować. Na zbožo poradźi so Salewskemu spěšne wurunanje (30.). Nětko bě hra zaso wotewrjena, ale jeno skrótka. Dwójny dyr Slavova (38., 43.) poměrnje dobry prěni połčas hosći dospołnje skóncowa. Berlinjenjo mjez 99 přihladowarjemi běchu z hru hosćićela wězo spokojom.
W pokalnym kole wuspěšni
ST Marijina hwězda
– ST Hlinowc 3:1 (0:1)
Zestawa domjacych: Matik – Kmjeć (76. Korjeńk), K. Pakoßnick, K. Pěčka (64. J. Pakoßnick), Šołta, Bětnar, Sćapan, Njek (60. Lukaš), Wagner, D. Pěčka, Kuschel
K partiji we wokrjesnym pokalnym kole witaše druhe koparske zastupnistwo ST Marijineje hwězdy hrajerjow ze susodneho Hlinowca. W prěnich 45 mjeńšinach tuteje hry drje su najprjedy hosćo akcenty sadźeli. Přeco zaso pak zwrěšćichu woni na Pančičanskim škiće abo na wrotarju Matiku, kiž měješe wuběrny dźeń. Krótko do přestawki ležeše bul přiwšěm we wrotach domjacych (45.). Daloku flanku z lěweje strony móžeše Hlinowski nadběhowar Teich, kiž je tež hižo za Marijinu hwězdu hrał, do wrotow domjacych bugsěrować.
