Sokoł Ralbicy/Hórki II

– Módro-běli Njeswačidło 1:1 (0:1)

Zestawa domjacych: Cyž – Materna, M. Matka (79. Šnajder), Schultz, Kobalc, Bogusz, Serbin, J. Matka (82. Šěn), Młynk, Čórlich, Domaška (46. Gerlich)

Po wysokej poražce w prěnjej połseriji w Njeswačidle mějachu koparjo druheho zastupnistwa Sokoła Ralbicy/Hórki wězo respekt před přećiwnikom, ale chcychu doma wězo lěpši wukon pokazać. Dopomhać dyrbješe tomu zestawa z dwěmaj nadběhowarjomaj. Prědku nastajenaj běštaj Markus Serbin a Pětr Domaška. Domaška tónraz rezerwje wupomha, dokelž dyrbješe pjateje žołteje karty hru we wokrjesnej wyšej lize­ pola prěnjeho mustwa Sokoła wusadźić.