Treningowe lěhwo na Kaponicy
Motorsportowy klub MC Jawora zarjaduje jutře na Kaponicy motocrossowe treningowe lěhwo za postupnikow. Wot 9 do 16 hodź. chcetaj trenarjej Měrćin Špitank a Thomas Zowalla skakanske techniki a techniki w křiwicach pokazać a z wobdźělnikami zwučować.
Dalša hra wolejbulistkow
Mustwo wolejbulistkow Hrajneho zjednoćenstwa Pančicy-Worklecy změje swoju přichodnu hru we wobwodnej lize jutře pola OSC Lubija. Duel prěni přećiwo předposlednjemu započnje so w 14 hodź. w sportowni na Pestalozzijowej 21.
Blidotenisowy derby
W 1. wokrjesnej lize-stafli jedyn nastupja blidotenisća Módro-běłych Njeswačidło dźensa w 19.30 hodź. doma přećiwo Konječanam. Póndźelu wočakuje Radworske prěnje blidotenisowe mustwo w samsnym času štwórte zastupnistwo ST Kubšic.
Běhać a kolesować
