Treningowe lěhwo wolejbulistkow Viktorije Worklecy zazběh było

Dienstag, 14. September 2021
Artikel bewerten
(0 Stimmen)
Ze swojim trenarjom Stephanom Mühlom (naprawo, Worklecy) su Worklečanki njedawno treningowe lěhwo přewjedli, kotrež tworješe zazběh přihotow na nowu hrajnu dobu.  Foto: Tereza Wićazowa Ze swojim trenarjom Stephanom Mühlom (naprawo, Worklecy) su Worklečanki njedawno treningowe lěhwo přewjedli, kotrež tworješe zazběh přihotow na nowu hrajnu dobu. Foto: Tereza Wićazowa

W awgusće přewjedźechu wolejbulistki Viktorije Worklecy třidnjowske treningowe lěhwo w domjacej sportowej hali. Tak zahajichu Worklečanki aktiwny přihot na hrajnu dobu 2021/2022 we wobwodnej lize wuchodneje Sakskeje.

Zazběh tworješe prěnja treningowa jednotka pjatk wječor we Worklečanskej ćěło­zwučowarni. Hłowne ćežišćo běchu wšelakore hrajne formy. Zakónčaca hra treningowy zazběh skulojći. Za sobotu běchu hnydom tři jednotki planowane. Dopołdnja trenowachu wolejbulistki hornje přihraće. Mjez druhim pospytachu so w přihrawkach přez hłowu, štož bě za přistajerki wažne zwučowanje. Prěni blok wotzamknychu z hru. Po něhdźe hodźinskej přestawce slědowaše druha jednotka, hdźež tworješe delnje přihraće – technika, znata jako bager – fokus. Tež tam přewjedźechu wšelakore zwučowanja. Tež druhi blok z hru wotzamknychu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND