Awtor dźensa

Tadej Cyž

Fanojo zymskeho sporta wjesela a přihotuja so na olympiske lěto. Wulki wjeršk wotměje so wot 6. do 22. februara 2026 w Italskej. Centralnej měsće 25. zymskich olympiskich hrow stej Mailand a Cortina d‘Ampezzo. W Cortina, olympiskim měsće z lěta 1956, wubědźuja so sportowcy mjez druhim w spěšnosankowanju.

Sportowa družina, kotraž je wosebje zajimawa a wotměnjaca, je biatlon. Kombinacija ze sněhakowanjom na dołhich čarach a třělenjom zahorja přiwisnikow kóžde lěto w Oberhofje a Ruhpoldingu. Wo olympiske biatlonowe medalje wojuja atleća klětu w februarje w Antholzu njedaloko Ahrntala. Olympiske hry w srjedźišću Europy – sym wćipny, hač sebi tam tež serbscy entuziasća sporta dojědu.