„Lišku lěta“ wolili

Mittwoch, 23. Juni 2021
Artikel bewerten
(0 Stimmen)
Youngstera Běłowodźanskich lodohokejowych liškow Benneta Roßmyja (nalěwo) su njedawno za „lišku lěta“ wuzwolili. Foto: Thomas Heide Youngstera Běłowodźanskich lodohokejowych liškow Benneta Roßmyja (nalěwo) su njedawno za „lišku lěta“ wuzwolili. Foto: Thomas Heide

Wuslědk wólby ,,liška lěta“ lodohokejoweje doby 2020/2021 je tajke něšto kaž mała překwapjenka. Na spočatku wothłosowanja pokazowaše wšitko na jasne dobyće Mac Carrutha, na kóncu pak přesadźi so youngster Bennet Roßmy. Tež hdyž naprašowanje tónraz pod hinašimi wuměnjenjemi wotběža, je wjele přiwisnikow za hrajerjow wothłosowało. Za to so towarstwo wšitkim dźakuje.

Koronapandemije dla njehodźeše so w minjenej sezonje „liška měsaca“ wolić a do kónčneho wothłosowanja zapodać. Tak namjetowachu zamołwići Łužiskich lodohokejowych liškow šesćoch, kotřiž běchu w minjenej sezonje na so skedźbnili. Wotedatych bu dohromady 5 491 hłosow. Po wuličenju přesadźi so 17lětny Bennet Roßmy z 2 152 hłosami před wrotarjom Mac Carruthom (1 725 hłosow) a kolegu-nadběhowarjom Stéphaneom Döringom (1 429 hłosow). Zbywace 185 hłosow dóstachu Thomas Reichel, Nick Ross a Rylan Schwartz.

Veröffentlicht in Sport

Galerie

dalši wobraz (1) Youngstera Běłowodźanskich lodohokejowych liškow Benneta Roßmyja (nalěwo) su njedawno za „lišku lěta“ wuzwolili. Foto: Thomas Heide
Bitte anmelden, um einen Kommentar zu posten

Serbska debata

Neuheiten LND