Němska koparska wubranka hižo zaso doma

Mittwoch, 30. Juni 2021
Artikel bewerten
(0 Stimmen)

London (kh/SN). Němska koparska wubranka muži je we wosmifinalu europ­skich mišterstwow (EM) zwrěšćiła. Chowancy zwjazkoweho trenarja Joachima Löwa podležachu před 41 973 přihladowarjemi w Londonskim Wembleyjowym stadionje Jendźelskej z 0:2. Tale hra běše zdobom tež poslednja Löwa. Za njeho skónči so tak po nimale 15 lětach a 198 hrach čas pola Němskeho koparskeho zwjazka. Po EM přewozmje Hansi Flick narodne mustwo.

Raheem Sterling w 75. min. a Harry Kane w 86. min. staj za Jendźelsku wrota třěliłoj – a to přećiwo chětro dušnemu němskemu cyłkej. Thomasej Müllerej njeporadźi so w 81. min. najwjetša šansa wurunać, po tym zo bě nimale sam na přećiwniske wrota běžał. Powšitkownje běše němski škit jara solidny, ale nadběh přenjeskutkowny. Solidny wustup pak je na kóncu jenož dobry, hdyž tež raz sam nawjeduješ.

Veröffentlicht in Sport
Bitte anmelden, um einen Kommentar zu posten

Anzeige