Wažnaj hrajerjej přestanjetaj

Dienstag, 06. Juli 2021
Artikel bewerten
(0 Stimmen)

Mnichow (kh/SN). Powěsć bě so dźeń po poražce Němcow přećiwo Jendźelskej šěriła: Toni Kroos zakónči swoju karjeru w na­rodnym koparskim mustwje Němskeje. Po bolostnej poražce přećiwo Jendźelskej je so 31lětny po 106 zasadźenjach w trikoće DFB za krok rozsudźił. Cyły koparski přiwisk pak tak jara zrudny njeje, Kroos njebě mjenujcy pola wšitkich woblubowany. Tež hdyž sej to hrajer Real Madrida jako profi wulce k wutrobje njebjerje, bu wón přez lěta přeco zaso kritizowany. Stajnje so dźiwaše, čehodla je w dwěmaj swětomaj žiwy.

W Španiskej, hdźež Kroos po swojej změnje wot FC Bayern Mnichowa wot lěta­ 2014 pola Real Madrid hraje, wobhladuja jeho jako jednoho z najlěpšich koparjow swěta. Tam maja jeho za mudreho strategu, kiž z inteligencu ćežke situa­cije zmištruje. Fakty rěča za Kroosa, kiž je w swojej karjerje štyri razy mištersku ligu dobył a njeličomne narodne titu­le. Zabyć njesměmy na titul koparskich swětowych mišterstwow w lěće 2014 w Brazilskej.

Veröffentlicht in Sport
Bitte anmelden, um einen Kommentar zu posten

Anzeige

  • „Njewěsta njewjesta“ rěkaše ptačkowasny program Serbskeho ludoweho ansambla 2022. Pokazali su jón ansamblowcy a ansamblowče jeničce tři razy w Chróšćanskej "Jednoće" – korony dla. Tule namakaće hišće někotre fotowe impresije lětušeho ptačokwasneho pr