Marathon star Kipchoge znowa olympiski dobyćer

Montag, 09. August 2021
Artikel bewerten
(0 Stimmen)
Eliud Kipchoge z Kenije je wčera złoto w marathonje dobył.  Foto: pa/Sven Simon Eliud Kipchoge z Kenije je wčera złoto w marathonje dobył. Foto: pa/Sven Simon

Tokio (kh/SN). Na poslednim wubědźowanskim dnju olympiskich hrow w Tokiju je Eliud Kipchoge złoto w marathonje dobył. Superstar z Kenije doběža wčera po 42,195 kilometrach a času 2:08:38 hodźinow jako prěni do cila. Slěbro wubědźi sej Nižozemjan Abdi Nageeye, bronzu Ba­shir Abdi z Belgiskeje. Najlěpši Němc bě Richard Ringer na 26. městnje. Tež w basketballu je faworit triumfował. Kaž nimale hižo wočakowane přesadźi so žónska wubranka USA w finalu nimale jasnje z 90:75 přećiwo Japanskej. USA swjeći tuž sedmy olympiski titul za sobu. Najebać poražku je slěborna medalja za Japansku sensacija.

Z mustwowymi wubědźowanjemi su wčera hišće dale pokročowali. We wo­lejbulowym finalu přesadźichu so tohorunja žony USA, a to přećiwo Brazilskej z 3:0. Cyłkownje 39. złota medalja za USA běše zdobom prěnja za žónsku wubranku. Poslednja złota medalja lětušich olympiskich hrow, kotruž su sej USA zawěsćili, bě tohorunja rozsudna za me­daljowy špihel. Z njej su Chinu w cył­kownym hódnoćenju přesćahnyli.

Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Serbska debata

Neuheiten LND