Wobalku wudaća w róžowniku wupyša z pomocu kumštneje inteligency nastaty plakat Heleny Hohmann ze serbskim alfabetom, kotryž zda so na prěni napohlad abstraktna solotej być, kotraž sej mnoho fantazije žada.

Z prašenjom, kotre zynki a zwuki naše serbske byće wopisuja a přewodźuja, zaběra so w předsłowje Marie-Charlott Čornakec. Zhromadne spěwanje mejskich spěwow po stajenju meje a mócny wrjeskot, hdyž padnje. Kajke zwuki nadeńdźemy na druhich městnach Łužicy – chcemy wo tym docyła přemyslować?

Dr. Edmund Pjech pisa na putace wašnje wo załoženju Zwjazka narodnych mjeńšinow Němskeje w lěće 1924 w zwisku ze skutkowanjom Jana Skale (1889-1945). Zastupjerjo narodnych mjeńšinow tehdy spóznachu, zo trjebachu lěpše or­ganizatoriske struktury k přesadźenju swojich žadanjow we wobłuku hospodarstwa, cyrkwje a šule. Jan Skala sta so w mjezywójnskim času ze sobu najprofilowanišim mjeńšinowym politikarjom a publicistom.

Dwurěčnu rjanu literaturu doda Měrana Cušcyna. Jeje mócne rěčne wobrazy sposrědkuja dopomnjenki zašłosće do tučasnosće.

Wodorunje: 3 spěšnje, 6 nic ćeńka, 7 arabski zaliw, 8 přesćěhanje zwěriny, 11 přećiwnik, 14 nadobo, njejapcy, 15 knjez a ..., 16 pječwo

Padorunje: 1 stat USA, 2 nutřkowny dźěl pjasće, 3 historija, 4 słódke piće, 5 stolica Afghanistana, 9 prjedawši prezident USA, 10 rjad twarjenjow, 12 namołwa, 13 hojenska rostlina

Wodorunje: 3 wón šije drastu, 6 kmót(r) plural, 7 prěni přełožk biblije, 8 zmužitosć, 11 přisłušnicy našeho luda, 14 wětr pólsce, 15 dźěl hrudźe, 16 něhdyša portugalska kolonija

Padorunje: 1 Sprung serbsce, 2 pólska rěka, 3 jutrowni jěcharjo, 4 bur, 5 zemski pokład, 9 zjednoćenstwo, pakt, 10 europski satelitowy system, 12 pomocnica při porodźe, 13 postrow namórnikow