LSV Nowe Město II – SJ Chrósćicy II 7:0 (2:0)
Zestawa hosći: Förster – A. Dórnik, Mark, Dehn, Zahrodnik, M. Dórnik, Wowčer, Mohaupt, Matješk, Liznar, Šmit
Kónc tydźenja čakaše na koparsku rezerwu Chróšćanskeje SJ wažna hra w Nowym Měsće. Tamniši trenar bě sej w přihoće na zetkanje někotrych hrajerjow z prěnjeho mustwa wupožčił. Wospjet špatne pak běchu opcije Chróšćanskeho trenarskeho cyłka, wšako bě so zaso jónu jenož jědnaće hrajerjow namakało, a zestawa to potom tež pokaza. Samo poprawny wrotar Józef Matješk dyrbješe swoje zbožo zwonka wrotow pokazać. Hru zahwizda sudnik zdypkom w 10.30 hodź., a bul bu w prěnich mjeńšinach hłownje bjez jasnych šansow tam a sem suwany. Po róžku wot lěweje strony zamó so Klemens Mark přećiwnikej wuwinyć a zhłójčkowa bul do směra na wrota domjacych. Přećiwny škitar pak kulowatu kožu před liniju wočiwidnje z ruku wotwobara (14. min.). Sudnik bě hinašeho měnjenja a hosćom jědnatku njepřipózna. Bohužel sej woni do połčasa hišće dwoje wrota popadnychu.