Načolnika tabulki porazyli
ST Traktor Malešecy –
ST 1922 Radwor 1:2 (1:1)
Zestawa hosći: Pěčak – B. Grubert, L. Pěčak, Wjesela (74. Schäfer), Mička, Reinecke (75. Elsner), Adam, Buša (91. Lawka), Wencl (85. Hetaš), Glücklich, Dźisławk
Za Radworskich koparjow bě hra přećiwo načolnikej tabulki w Malešecach wulke wužadanje, wšako móžachu so hosćićeljo z dobyćom z mištrom stać. Tola cyłk z Radworja bě z jasnej ideju, wulkej motiwaciju a zaměrom, načolnikej dypki njepřewostajić, do Malešec přijěł. Wot spočatka hrajachu hosćo w defensiwje jara disciplinowanje. Hosćićeljo mějachu časćišo bul a hru kontrolowachu. Radworčenjo pak stejachu kompaktnje, zakitowachu konsekwentnje a jenož mało ruma w bliskosći swójskich wrotow dopušćichu. Hosćićeljo přińdźechu najprjedy předewšěm přez standardne situacije a róžki k strašnym wokomikam, kotrež pak zamóchu wšitke znješkódnić.
Wuslědki (25.06.26)
wokrjesna liga stafla II
ST Radwor – ST Wulka Dubrawa 0:0 (0:0)
Minakał – Traktor Malešecy 1:2 (1:0)
Rakečanske II – Łaz/Běły Chołmc 6:3 (4:3)
FC Łužica – HZ Wulke Ždźary 2:2 (2:0)
Sepicy– ST Kinspork/Łužnica 1:2 (0:1)
Wojerowski FC II – FSV Łuty 5:1 (2:0)
Sezonu ze serbskej štučku zakónčili
ST Lubuš –
SJ Chrósćicy II 5:1 (2:0)
Zestawa hosći: M. Mark - Zahrodnik, Materna, Kola, T. Donat, B. Donat, Budar (70. J. Mark), Sćapan, Klemenc, Špitank, Dridiger-Šołta
Na poslednim hrajnym dnju wokrjesneje ligi dojědźe sej rezerwa Sportoweje jednotki Chrósćicy na hru do Lubuša. Za Horjanow njeměješe hra hižo žanu relewancu, wšako stejachu hižo wjacore tydźenje z wotstawkom na poslednim městnje. Lubušenjo móžachu z dobyćom hišće na druhe městno skočić, běchu pak na pomoc Traktora Malešecy přećiwo Minakałej pokazani.
Wólnočasny bičwolejbulowy cyłk z mjenom „Serbska raketa“ ...
Wumóženje Sokoła hakle w přidatnym hrajnym času
Sokoł Ralbicy/Hórki –
TSV Wachau 1:1 (1:0)
Zestawa domjacych: Schöne – Wałda, P. Šołta, B. Heidorn, Mikławšk (51. Rawš), L. Heidorn, Mjechela (73. Bejmak), Hicka, N. Šnajder, J. Šołta (54. A. Woko), R. Šnajder
Na poslednju dypkowu hru wočakowachu Sokoljo hosći z Wachauwa. Mustwo steješe na poslednim městnje tabulki a hižo do hry bě jasne, zo do wokrjesneje ligi zestupi. Ralbičenjo pak mějachu štwórte městno hižo wěste a chcychu sej z dobrym wukonom sebjewědomje za pokalne finale skrućić.
Mało přihladowarjow běše při horcych temperaturach puć do stadiona „Jurij Frencl“ namakało. Nažel hra tež wjelelubjaca njebě. Bul pohibowaše so zwjetša mjez šěsnatkomaj. Hosćo zady derje stejachu a Sokołam so w ofensiwje wjele njeporadźi. Prěnja šansa dnja nasta hakle w 27. mjeńšinje. Hrajer hosći třěli ze zdalenosće wótrje na wrota a Ralbičanski wrotar kulowatu kožu na žerdź storči. Nětko Ralbičenjo wotućichu a Janek Mikławšk bu na lěwej stronje swobodnje hraty. Jeho třělwu pak wrotar k róžkej wotwobara. Tuž dźěše bjez wrotow do kabiny.
Dypk přećiwo Bukečanam
ST Zeleno-běli Bukecy – SJ Chrósćicy 1981 3:3 (2:2)
Zestawa hosći: Škoda – L. Zahrodnik, Dźisławk, Wićaz, Wornar, Młynk, Graf, M. Kral-Zahrodnik, G. Zahrodnik, Bogusz (74. Matik), Bjeńš
Njebjelčenjo sezonu ze swjedźenjom zakónčili
SJ Njebjelčicy –
HZ Mały Wosyk/Porchow II 2:0 (1:0)
Zestawa domjacych: Wjerš, A. Reineke, Hanuza, Korjeńk (75. Lehmann), Plaettner, Čornak (40. Kral), Matješk, Hrjehor (67. M. Reineke), Bjeńš, Schulze (60. Herrmann)
41 dypkow, wrotowy poměr 54:24 a postup do wokrjesneje ligi jako druhi stafle – to je rezimej minjeneje sezony Sportoweje jednotki Njebjelčicy we wokrjesnej klasy. Prjedy hač pak móžeše so poslednja hra sezony započeć, so zamołwići SJN z třomi hrajerjemi rozžohnowachu: Andrej Reineke, Sandro Schulze a Stefan Bjeńš Njebjelčanski cyłk po sezonje wopušća. Serbske Nowiny su wčera wo tym rozprawjeli. Dźakuju so wam třom za waše zasadźenje!
Tróšku kopańcy pak je so potom tež hišće hrało. Čerwjeno-běli startowachu ze zažnym 1:0 (5.) do partije. Korjeńk bě bul w šěsnatce z chribjetom k wrotam dóstał, so zwjertnył a trjechił. Nawjedowanje SJC tyješe a wone móžachu hru najprjedy postajować. W běhu prěnjeje połojcy pak so hosćo zhrabachu a mějachu poněčim wjace wot hry. Wothladajo wot někotrych třělwow z distancy wšak wosta prěnja połojca bjez wjetšich podawkow. Wobaj teamaj njeměještej jasne akcije.
„Finale doma“ – w Ralbicach
Spočatk sezony mějachu zamołwići Sokoła Ralbicy/Hórki ideju, so wo wuhotowanje wokrjesneho pokalneho finala požadać. Jako připrajenje dóstachu, so wězo wšitcy nadźijachu, zo budźe to domjace finale. Sokoljo běchu so w minjenych lětach husto jako sylny pokalny cyłk wopokazali. W zašłych 15 lětach stejachu štyri króć w finalu, trójce trofeju tež dobychu. Hač so jim njedźelu tohorunja poradźi? Prjed hač tak daloko budźe, steji wot pjatka pjeć dalšich hrow na programje.
Horcoty dla su so poprawne finalne časy trochu změnili.
Stara garda zahaji koparski kónc tydźenja pjatk, 26. junija, wječor. Tež wona hraje na wulkim polu, zakop budźe we 18.30 hodź. Za finale kwalifikowaštej so Wojerowski FC a LSV Hory. Přećiwo naposledk mjenowanemu cyłkej z Horow bě stara garda Sokoła Ralbicy w štwórćfinalu 0:1 podležała.
Wurunanje SJC dobyće wzało
SJ Chrósćicy II – BSW Łužica 1:1 (1:0)
Zestawa domjacych: Mark – Wowčer (79. Klemens), Wenderoth (89. Brühl), Kola, T. Donat, Wornar, Sćapan, Zahrodnik, Šiman (89. Dridiger-Šołta), B. Donat, Špitank (46. Budar)
Druhe koparske mustwo Sportoweje jednotki Chrósćicy II je na poslednju domjacu hru sezony mustwo BSW Łužicu přijimało. Bě to hra koparskeju cyłkow z delnjeje třećiny tabulki. Chróšćenjo, kiž stejachu na poslednim městnje, nadźijachu so na dypk abo samo tři, BSW Łužica, na dźesatym městnje, chcyše swoje wuchadźišćo w tabulce wopodstatnić.
Sport (22.06.26)
W Chrósćicach je so wčera a zawčerawšim wuspěšnje sakske mišterstwo w konjacym sporće z jedno- a dwupřežnymi zapřahami zakónčiło. Bě to mjeztym 7. turněr při Fulkec hórce, kotryž je konjace sportowe towarstwo „Při Klóšterskej wodźe“ Pančicy-Kukow přewjedło. Krajny mištr we wurisanju wulkich jednopřežnych zapřahow bu Klaus Seifert z Grumbacha blisko Wilsdruffa z 15lětnej kobłu Hot Black Girl. Chróšćanski lokalny matador Lukas Wenderoth wubědźi sej w pruwowanju z poměrnje sylnej konkurencu ze 14lětnym walachom Elbfürstom titul sakskeho wicemištra. Wenderoth je we wjacorych pruwowanjach startował, mjez druhim z pjećlětnej kobłu Lunu, kotruž bě Chróšćan Florian Zahrodnik plahował. Pohonč Lukas Wenderoth a sportowy kóń Luna wobsadźištaj jako duwo mjez druhim prěnje městno w přezpólnym jězdźenju klasy A. Wubědźowanje dwupřežnych zapřahow doby Anna-Sophia Zahn z ponyjomaj Godleaf a Ginger. Wobdźěliło bě so 40 zapřahow z wjacorych zwjazkowych krajow, mjez druhim ze Sakskeje, Braniborskeje a Durinskeje.
